«قازاق ەلى تەلەحيكاياسى» كورەرمەنىمەن جاقىن ارادا قاۋىشاتىن بولدى دەپ حابارلايدى «قامشى» پورتالى. قازاق حاندىعىنىڭ 550 جىلدىعىنا وراي جارىققا شىعۋى ءتيىس تەلەتۋىندى 2015 جىلى كورەرمەن نازارىنا ۇسىنىلۋى ءتيىس ەدى. بۇعان دەيىن كينونىڭ باسى-قاسىندا جۇرگەن بەلگىلى ازاماتتار ءفيلمنىڭ جارىققا شىعۋىنا ءتۇرلى داتالاردى بەرىپ كەلگەنىمەن، كەشىكتىرىلگەن بولاتىن.

ايتا كەتەتىن بولساق، تەلەحيكايا قىرۋار قارجى بولىنسە دە «جەتپەي قالىپ»، بولىمدەرى سانى دا قىسقارتىلعان بولاتىن.

تەلەحيكايانىڭ قاشان جانە قالاي جارىققا شىعاتىنىن مادەنيەت جانە سپورت ءمينيسترى ارىستانبەك مۇحامەدي ۇلى ءوزىنىڭ Faسebook پاراقشاسىندا جازدى.

«قۇرمەتتى دوستار!

بۇگىن استانا قالاسىنداعى "قازاقستان" ورتالىق كونسەرت زالىندا "قازاق ەلى" سەريالىنىڭ كينونۇسقاسى – "الماس قىلىش" ءفيلمىنىڭ تۇساۋكەسەرى ءوتتى. بۇل اۋقىمدى تاريحي جوبانىڭ اۆتورى – ق ر پرەزيدەنتى ن. ءا. نازاربايەۆ. فيلم ق ر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى "قازاقفيلم" اق "CentaurusRustemAbdrashevproduction" ءجشس-نىڭ قاتىسۋىمەن تۇسىرىلگەن.

ەلباسى قازاقستاندىق بۇقارالىق اقپارات قۇرالدارىنا بەرگەن سۇحباتىندا: "كەرەي مەن جانىبەك –شىڭعىس حاننىڭ ۇرپاقتارى. ولار 550 جىل بۇرىن شۋدىڭ بويىندا قازاق حاندىعىن قۇردى. سونىڭ ءبارى ءبىزدىڭ جاستارعا، ءبىزدىڭ ۇرپاعىمىزعا تامىرىمىزدىڭ تەرەڭ ەكەنىن كورسەتەدى. "تامىرى تەرەڭ قارا ەمەن، قاسقايا كۇتەر داۋىلدى" دەگەن ناقىل بار. تامىرىڭ تەرەڭ بولسا، قانداي داۋىل بولسا دا قاسقايا كوتەرەسىڭ. تاريحىمىزدى زەرتتەپ، حالقىمىزدىڭ تاريحىمىز تۋرالى ءبىلىمىن ارتتىرۋ قاجەت"، - دەگەن بولاتىن. 
فيلم تۋرالى: حV عاسىردىڭ ورتا تۇسى. قارا تەڭىز جاعالاۋىنان موڭعولياعا دەيىنگى ەۋرازيا كەڭىستىگىندە ءبىر كەزدە زور قۋاتتى يمپەريا بولعان التىن وردا قۇلاعاننان كەيىن بىرنەشە جەكە حاندىقتار قۇرىلدى. ولاردىڭ ىشىنەن قازىرگى قازاقستاننىڭ اۋماعىن جايلاپ جاتقان اق وردا ەرەكشەلەندى. اق وردا بيلىگى شىڭعىسحاننىڭ نەمەرەسى، جوشىنىڭ ۇلكەن ۇلى وردا ەجەننىڭ اۋلەتىنە تيەسىلى بولدى. ارادا ۋاقىت وتە كەلە شايبانيتتەردىڭ كىشى تارماعىنان شىعاتىن ءابىلقايىر ءوز بيلىگىن كۇشەيتىپ، جەكە حاندىق قۇردى. ول كوشپەندىلەرگە قاتىگەز، اياۋسىز ساياسات ۇستانعان بولاتىن.
1460 جىل. وردا ەجەننىڭۇپاقتارى– كەرەيمەن جانىبەكتىڭ اينالاسىنا بىرىككەن ونداعان مىڭ كوشپەندىلەر اقساقالدار كەڭەسىندە شەشىم قابىلداپ، ءابىلقايىردان ءبولىنىپ شىعادى. سۇلتاندار موعولستاننىڭ شەكاراسىنا دەيىن جەتكەندە، جەرگىلىكتى بيلەۋشى ەسەن-بۇعا ولارعا قونىس بەرۋگە كەلىسەدى. ەسىمى اڭىزعا اينالعان ابىز اسانقايعى دا كوشكە ىلەسىپ، ءبولىنىپ شىعۋعا سەبەپ بولعان وقيعالاردى جىرىنا قوسادى.
جانىبەك پەن كەرەي ءابىلقايىردىڭ حاندىعىنان ءبولىنىپ، ءوز ۇلىستارىن قۇرۋعا بەكىندى. كەرەي مەن جانىبەككە قوسىلعان رۋلاردىڭ باسشى-بيلەرى قۇرىلتاي وتكىزەدى. ەڭ الدىمەن، جۇدىرىقتاي جۇمىلعان ىنتىماق كەرەك ەكەنىن ەسكەرگەن ولار كەرەيدى حان سايلاپ، قازاق حاندىعىنىڭ قۇرىلعانىن پاش ەتەدى. 
 ءفيلمنىڭ سەنارييى ءىلياس ەسەنبەرليننىڭ "الماس قىلىش" رومانىنىڭ نەگىزىندە جازىلعان. 
 ءفيلمنىڭ رەجيسسەرى – قازاقستان رەسپۋبليكاسىنىڭ ەڭبەك سىڭىرگەن قايراتكەرى، كينورەجيسسەر، سەناريست جانە سۋرەتشى رۇستەم ءابدىراشوۆ. ول "قۇراق كورپە"، ""قالادان كەلگەن قىز"، "ستالينگە سىيلىق"، ەلباسى جولى كينوەپوپەياسىنىڭ: "بالالىق شاعىمنىڭ اسپانى"، "وت-وزەن"، "تەمىرتاۋ"، "تىعىرىقتان جول تاپقان" اتتى كينوتۋىندىلارىنىڭ اۆتورى.
ءفيلمنىڭ ءتۇسىرىلىم جۇمىستارى الماتى جانە الماتى وبلىسىندا وتكەن. ءتۇسىرىلىمنىڭ ءبىر بولىگى "ءقازاقفيلمنىڭ" پاۆيلوندارىندا قۇرىلعان دەكوراسيالاردا، سونىمەن قاتار كينوستۋديانىڭ اۋماعىندا سۋرەتشىلەر تۇرعىزعان شايبانشاھتىڭ سارايىندا وتكەن. ءفيلمدى جاساۋعا 500-دەن استام ادام جۇمىلدىرىلعان، ولاردىڭ 200-گە جۋىعى ءتۇسىرىلىم توبىنىڭ مۇشەلەرى. تۇسىرىلىمدەر بەس ايعا سوزىلىپ، 30 نىسان پايدالانىلعان.

"الماس قىلىش" ءفيلمى جالپىۇلتتىق پروكاتقا 2017 جىلدىڭ قاڭتار ايىنان باستاپ شىعادى.

قويۋشى-رەجيسسەرى: رۇستەم ءابدىراشوۆ
سەناريي اۆتورلارى: سماعۇل ەلۋباي، تيمۋر جاقسىلىقوۆ، رۇستەم ءابدىراشوۆ
قويۋشى سۋرەتشىلەرى: ءومىرزاق شمانوۆ، ءسابيت قۇرمانبەكوۆ، ەدىل ءنۇسىپوۆ پەن جاننات بايمۇقانوۆانىڭ قاتىسۋىمەن
قويۋشى وپەراتورلارى: ساپار كويچۋمانوۆ، الەكساندر پلوتنيكوۆ جانە اندرەي ماسلوۆ.
باس پروديۋسەرى: ارمان اسەنوۆ
ءفيلمنىڭ پروديۋسەرى: ىڭكار ءابدىراش
كومپوزيتورى: ءابىلقايىر ءابدىراش
باستى رولدە: قايرات كەمالوۆ، ەركەبۇلان دايىروۆ، دوسحان جولجاقسىنوۆ، يىسبەك ءابىلماجينوۆ، ايان وتەپبەرگەن، مەيىرعات امانگەلدين، نيازبەك شايسۇلتانوۆ، بەكبولات تىلەۋحان، ارمان قوجا، شۇعىلا ساپارعالي، مادينا ەسمانوۆا، قارلىعاش مۇحامەدجانوۆا، ىڭكار ءابدىراش، دىنمۇحامەد اقىموۆ جانە باسقالار.»