بيىلعى جىلى الەم بويىنشا 7 مىڭنان استام ميگرانت ءتۇرلى جاعدايلاردا مەرت بولعان دەپ حابارلايدى www.inform.kz. ارنايى جۇرگىزىلگەن زەرتتەۋلەر بويىنشا بۇل رەكوردتىق دەڭگەيدەگى كورسەتكىش بولىپ وتىر. بۇل تۋرالى ميگراسيا جونىندەگى حالىقارالىق ۇيىم وكىلدەرىنىڭ ەسەبىنەن بەلگىلى بولدى، دەپ جازادى korrespondent.net. اتالمىش ينتەرنەت-باسىلىم تاراتقان دەرەكتەر بويىنشا، 2016 جىلى كوشىپ-قونۋ بارىسىندا 7189 ادام مەرت بولىپ، ءبىرقاتارى ءىز-تۇسسىز جوعالىپ كەتكەن. بۇل رەتتە 4812 ادامنىڭ جەرورتا تەڭىزىندە مەرت بولىپ نەمەسە جوعالىپ كەتكەندىگى بەلگىلى بولىپ وتىر. زەرتتەۋشىلەر قۇربان بولعان ميگراتتار سانىنىڭ ارتۋى مۇمكىندىگىن دە جوققا شىعارمايدى. جەرورتا تەڭىزى ارقىلى ەۋروپا ەلدەرىنە بارلىعى بيىلعى جىلى 357249 ادام كەلگەن. كوشىپ-قونۋشىلاردى قابىلداۋ جاعىنان گرەسيا كوش باستاپ وتىر. بۇل ەلگە بارلىعى 170 مىڭ بوسقىن قونىستانعان. ەۋروپا قازىرگى تاڭدا ەكىنشى دۇنيەجۇزىلىك سوعىستان كەيىنگى ەڭ ۇلكەن ميگراسيالىق داعدارىستى باستان وتكەرۋدە. جاعدايدىڭ بۇلايشا قالىپتاسۋىنا تاياۋ شىعىس پەن سولتۇستىك افريكا ەلدەرىندەگى قارۋلى قاقتىعىستار مەن ەكونوميكالىق پروبلەمالار سەبەپ بولىپ وتىر. ەو Frontex شەكارالىق اگەنتتىگىنىڭ مالىمەتتەرى بويىنشا، 2015 جىلى ەۋرووداققا 1،8 ملن كوشىپ-قونۋشى كەلگەن.
پىكىر قالدىرۋ