«ەكسپو-2017» كورمەسىنە از عانا ۋاقىت قالدى. ونىڭ لوگوتيپى دە بەكىتىلدى. ونى جاساۋشىلاردىڭ ايتۋىنشا ول كۇن، سۋ جانە جەردى بەينەلەيدى. ياعني ۇشەۋىن بىرگە قوسقاندا «بولاشاق ەنەرگياسىن» سيپاتتاپ تۇر.

ماسەلەن، ساۋلە (سول جاقتاعى) ادامداردى شۋاعىمەن جىلىتاتىن كۇن ەنەرگياسىن بەينەلەيدى. ال قۋات (ورتاسىنداعى) جاسىل ەنەرگيانى سيپاتتايدى. ياعني جەردىڭ كۇشىن، تابيعاتتىڭ كەرەمەتتىلىگىن پاش ەتىپ تۇر. ءمولدىر (وڭ جاقتاعى) سۋ ەنەرگياسىن بەينەلەيدى.

سۋرەتتە بارلىعى ادەمى. الايدا سۋرەتتەگى ساۋلە مەن  ءمولدىر، ءىس جۇزىندەگى ساۋلە مەن مولدىردەن الشاق.

جاقىندا ينستاگرام الەۋمەتتىك جەلىسىندە كورمە لوگوتيپتەرىنىڭ فوتوسى جاريالاندى. ودان كۇن مەن سۋ ەنەرگياسىن بەينەلەيتىن ساۋلە مەن ءمولدىردىڭ ساپاسىز جاسالعانىن اڭعارۋعا بولادى. فوتو استىندا نارازى توپتىڭ پىكىرى كوپ. ولاردىڭ دەنى  «ەكسپو» سەكىلدى اۋقىمدى كورمەدە مۇنداي لوگوتيپتى ۇسىنعانىمىز ۇيات دەگەن پىكىر بىلدىرگەن.

.