«ازاماتتىق قۇقىقتان ايىرۋ ءقاۋپى ءتونىپ تۇرعان مۇسىلمان ايەلدەردى» قولداۋ ماقساتىندا گولليۆۋدتىق اكتريسا كەتي نادجيمي دونالد ترامپتىڭ يناۋگۋراسياسى كۇنى ايەلدەردى حيدجاب كيۋگە شاقىردى. بۇل تۋرالى life.ru حابارلايدى. ترامپتىڭ ۇلىقتاۋ راسىمىنە قارسى ۆاشينگتوندا سەنبى كۇنىنە ۇيىمداستىرىلىپ وتىرعان اكسيادا 100 مىڭ قاتىسۋشى جينالادى دەپ كۇتىلىپ وتىر.
–مەن حيدجابتاعى ايەلدى كورىپ، ونى قولدايتىنىمدى قالاي جەتكىزسەم بولادى دەپ ويلاندىم. بۇل رەتتە ونى ۇيالدىرىپ، ىڭعايسىزدىق تۋدىرماۋىم كەرەك دەپ شەشتىم، –دەدى 59 جاستاعى گولليۆۋدتىق اكتريسا. – سوسىن يناۋگۋراسيا كۇنى ءبىز حيدجاب كيىپ شىقساق دەگەن وي كەلدى.
نادجيمي بۇل اكسيانىڭ تاعى ءبىر ماقساتى – ءدىن بوستاندىعىنا قولداۋ كورسەتۋ ەكەنىن دە العا تارتتى. – ءبىز ازاماتتىق قۇقىقتارىنا ءقاۋىپ ءتونىپ تۇرعان مۇسىلمان ايەلدەرمەن بىرگە تىلەكتەس ەكەنىمىزدى كورسەتكىمىز كەلدى.
نيۋ-يوركتىڭ ورتالىعىندا كۇندىز گولليۆۋدتىق جۇلدىزدار باستاعان ترامپقا قارسى شەرۋ ۇيىمداستىرىلدى. ولار ونىڭ ناسىلدىك كەمسىتۋشلىك پەن ءدىني ەسەپتەسپەۋشىلىگىن سىنعا الدى.
اقش-تىڭ جاڭادان سايلانعان پرەزيدەنتى بۇعان دەيىن انتيمۇسىلماندىققا قاتىستى بىرنەشە مالىمدەمە جاساعان بولاتىن.
