2016 جىلى قىتايدا 17،86 ميلليون ءسابي دۇنيەگە كەلگەن دەپ حابارلايدى bbc.com. بۇل تۋرالى مەملەكەتتىك كوميتەتتىڭ دەنساۋلىق پەن بالالار تۋۋ جوسپارى ىستەرى بويىنشا ءتوراعاسى يان ۆەنچجۋان حابارلادى. بۇل 2000 جىلدان كەيىنگى ەڭ جوعارعى ناتيجە.
بالالى بولۋ جاسىنداعى ايەلدەردىڭ سانى 5 ميللونعا تومەندەسە دە وسىنداي ناتيجەگە جەتىپ وتىر.
2011-2015 جىلدارى ورتاشا تۋۋ دەڭگەيى 1،4 ميلليون ادامعا از بولدى. جۇڭگو بيلىگى «ءبىر وتباسى – ءبىر بالا» ساياساتىن جويۋ ارقىلى «ۋاقىتىلى جانە وتە ۇتىمدى» ساياسات ەكەنىن ەرەكشە اتاپ ءوتتى. ەستەرىڭىزگە سالا كەتەيىك، قىتايدا وتباسىلارعا ەكى بالادان تاربيەلەۋگە رۇقسات بەردى.
جۇڭگو ءوزىنىڭ دەموگرافيالىق ساياساتىنا وزگەرتۋلەردى 2015 جىلدىڭ قازان ايىندا ەنگىزدى.
«ءبىر وتباسى – ءبىر بالا» ساياساتى 1979 جىلى حالىقتىڭ ءوسىمىن شەكتەۋ ءۇشىن ەنگىزىلگەن. ەكى بالا تۋعاندارعا ايىپپۇلدار مەن باسقا دا جازالاۋلار قاراستىرىلعان ەدى. ناتيجەسىندە جۇمىس ىستەيتىن قىتايلىقتاردىڭ سانى قىسقارا باستادى. ءقازىر بيلىك جوعارى جىلدامدىقپەن قارتايىپ كەلە جاتقان حالىقتى اسىراي المايمىز با دەپ قورقادى.
