يتالياداعى Rigopiano قوناق ۇيىنە قار كوشكىنى ءجۇرىپ وتكەندە قوناق ۇيدە بولعان 22 جاسار قىزدىڭ اڭگىمەسى كوپتى تاڭ قالدىردى. ول ب ا ق قاردىڭ استىندا 58 ساعات بويى قالاي كۇرەسىپ، نە ىستەگەنىن ايتىپ بەردى.    

دجوردجي گالاسسيدىڭ ايتۋىنشا ول ءشولىن قاندىرۋ ءۇشىن قار جەپ، مۇز جالاعان.

گالاسسي قۇتقارۋشىلار قۇتقارىپ قالعان  9 ادامنىڭ ءبىرى.  باسقالارىن دا قۇتقارۋعا ءۇمىت بار دەيدى قۇتقارۋ قىزمەتى. 24 ادام ىزدەستىرىلىپ جاتىر. 5 ادامنىڭ دەنەسى تابىلدى.

بيلىكتىڭ ايتۋىنشا 120 مىڭ توننالىق كوشكىن قوناق ءۇيدى ساعاتىنا 100 شاقىرىم جىلدامدىقپەن باسىپ قالعان.

قوناقۇيدەگى ادامداردىڭ كوبى ءبىرىنشى قاباتتا بولعان. ولار كوشكىنگە دەيىن بولعان جەر سىلكىنىسىنەن كەيىن ءقاۋىپسىز جەرگە كوشۋگە دايىندالىپ جاتقان. ءبىر ساتتە قار كوشكىنى كەلىپ تۇتاس ءبىر قوناق ءۇيدى باسىپ قالدى. ارى قاراي قاراڭعىلىق، ءتىرى قالعانداردىڭ اششى داۋىسى جانە ءشول.

قار كوشكىنى كەزىندە دجوردجيا  25 جاسار ۆينچەنسو فورتي ەسىمدى جىگىتىمەن ديۆاندا وتىرعان.

«اينالاداعىنىڭ بارلىعى قيراي باستادى. مەن ەشتەڭە تۇسىنبەدىم» دەيدى قىز. ول ەسىن جيناعاندا وتىرعان بولمەسى ۇڭگىرگە اينالعانداي اسەر قالدىرعانىن ايتادى. دجوردجيە گالاسسي قوناق ءۇي جەردىڭ تەرەڭ تۇبىنە ءتۇسىپ كەتتى دەپ ويلادى.

«وندا وتە قاراڭعى بولدى. سىرتتان ەشقانداي دىبىس بولمادى. ءبىزدىڭ داۋىستارىمىز جاڭعىرىق بولىپ شىعىپ جاتتى» دەيدى 22 جاسار ستۋدەنت قىز.

دجوردجيا ءوزىنىڭ جىگىتىن شاقىرعان ايەلدىڭ داۋسى مەن قولىن جاراقاتتاپ العان ريمدىك ەر ادامنىڭ شىڭعىرعانىن ەستىدى. تاعى ءبىر ايەل قىزىن ىزدەپ جاتتى.

«بارلىق بالالار وزدەرىن وتە جاقسى ۇستادى. بالانىڭ جىلاعانىن مۇلدە ەستىمەدىم» دەيدى دجوردجيا. ال ءوزى كوپ جاس توككەن. ال جىگىتى بولسا ءۇمىتىن ۇزبەدى.

«ول بىزگە دەمەۋ كورسەتىپ وتىردى. كەيدە ءبىزدى تىنىشتاندىرۋ ءۇشىن ءان ايتتتى» دەيدى 22 جاسار قىز.

ونىڭ ايتۋىنشا ولاردىڭ جەيتىن تاماعى بولمادى. «ەشتەڭە بولمادى. تەك مۇزدى جەپ وتىردىق. ال مۇز كوپ بولدى. سول ارقىلى ءبىز كۇش الدىق».

جەرگىلىكتى ۋاقىت بويىنشا ساعات 11.00-دە جۇما كۇنى مەحانيكالىق داۋىس ودان كەيىن ادامداردىڭ داۋسى شىقتى.

«مەن دجوردجيامىن، مەن ءتىرىمىن». ءتىرى قالعان قىزدىڭ سوزىنشە بۇل ومىرىندەگى ايتقان ەڭ كەرەمەت سوزدەرى بولدى.

قوناق ۇيدەگى ادامداردى قۇتقارۋ ءۇشىن يتاليانىڭ ءتۇرلى قۇتقارۋ قىزمەتتەرى اتسالىستى.

سوڭعى بىرنەشە ايدا يتاليادا بىرنەشە جەر سىلكىنىستەرى بولدى. تامىز بەن قازان ايلارى ارالىعىندا اپپەنينادا ءۇش مارتە 6 باللدىق جەر سىلكىنىسى بولدى.