قىتايداعى I Am a Singer مۋزىكالىق كونكۋرسىنا قاتىسىپ جاتقان قازاقستاندىق ءانشى ديماش قۇدايبەرگەنوۆ ءوزىن ۆيتاسپەن سالىستىرماۋدى سۇرادى.

ونىڭ ايتۋىنشا، رەسەيلىك ءانشى ۆيتاسپەن سالىستىراتىندار كوپ. "قايىرلى كەش، دوستار! قازاقتىڭ ۆيتاسى"، "ۆيتاس سياقتى ايتادى"، "ەكىنشى ۆيتاس" دەگەن ماعان تەڭەۋ سوزدەرىڭىزدى ەستىپ جاتامىن! ارينە، ۆيتاس جاقسى ءانشى، ونى قۇرمەتتەيمىن، ءبىراق مەن "ەكىنشى ۆيتاس" ەمەسپىن! مۋزىكادان xابارى بار ماماندار مەنى جاقسى تۇسىنەدى!.."، - دەپ جازدى ءانشى. 

سونىمەن قاتار، ول كەلەسى بايقاۋ كۇنىنە رەجيسسەرلەردىڭ ۇيعارىمىمەن ۆيتاستىڭ ەڭ كۇردەلى سانالاتىن "وپەرا 2" كومپوزيسياسىن ورىندايتىنىن مالىمدەدى. ايتۋىنشا، ول بۇل اتاقتى ءاندى ۆيتاستىڭ داۋىسىنان 4 مودۋلياسيامەن 2 تون جوعارى ايتۋعا بەل بۋىپ وتىر. "قالاي بولاتىنىن باعالاي جاتارسىزدار! ايتپاقشى، كەلەسى بايقاۋ كۇنى 28 قاڭتار كۇنى بەيجىڭ ۋاقىتىمەن 22:05-تە! Hunan tv online ارقىلى تاماشالاي الاسىزدار!"، - دەدى ءانشى.

ديماش قۇدايبەرگەنوۆ تەلەشوۋدىڭ ءبىرىنشى كەزەڭىندە SOS d'un terrien en détresse ءانىن فرانسۋز تىلىندە ورىنداپ، جەڭىمپاز اتانعان بولاتىن. ءانشى قاتىسىپ جاتقان كونكۋرستا 14 كەزەڭ بار. كونكۋرس قىتايدىڭ چانشا قالاسىندا ءوتىپ جاتىر.