جامبىل وبلىسىندا قارشاداي قوس قىزعا ازعىندىق ارەكەت جاساعان ازامات ون جەتى جىلعا سوتتالدى. ونىڭ بەس جىل بويى جان دوسىنىڭ ەگىز قىزدارىنا ءۇش جاسىنان باستاپ ايتۋعا اۋىز بارمايتىن ارسىز قىلىق جاساپ كەلگەنى دالەلدەندى دەپ حابارلايدى 31.kz 

ءناپسىقۇمار كىشكەنتاي قىزدارعا جىنىس مۇشەسىن ۇستاتىپ، ءتىپتى سۇيگىزۋگە دەيىن بارعان. ۇدايى بەيادەپ بەينەروليكتەر كورسەتىپ، ەگىز قىزدى بەس جىل بويى قورلاپ كەلگەن. كەيىن اناسى، ارالاسىپ جۇرگەن جولداستارىنىڭ اراسىندا ماقاجان تولەيەۆتىڭ ازعىن ەكەنىن ءبىلىپ قالعان. سوندىقتان 46 جاستاعى دوسىنا دەرەۋ اۋىلدان كوشۋدى تالاپ ەتىپتى. ءبىراق كورشىسى اۋىلدان كەتۋى بىلاي تۇرسىن، اراعا اي وتپەي ازعىن ارەكەتىنە قايتا بارعان. وسىلايشا بىلتىر قىركۇيەكتە قاماۋعا الىنعان ول سەكسۋالدىق سيپاتتاعى ارەكەتى ءۇشىن 17 جىلىن قاتاڭ رەجيمدەگى كولونيادا وتكىزەدى. ايتا كەتەيىك، سوتتالۋشىنىڭ ايەلى مەن ءۇش بالاسى بار. 

ايگۇل مالىكوۆا، سۋديا:

- ۇيىندە اناسى دا، اكەسى دە بىلمەگەن. جاقىن دوستار ارالاسىپ جۇرگەن. بىر-بىرىنە قوناققا بارعان، سوندا ەكى كىشكەنتاي قىزدى ۇستاپ الىپ، وسىنداي ارەكەتتەر جاساپ وتىرعان. ءناپسىقۇمارلىق سيپاتتا جانە ازعىندىق ارەكەتتەر بويىنشا ەكى باپپەن تارتىلىپ وتىر.ونىڭ كولىگى دە  مەملەكەت كىرىسىنە وتكەرىلدى، ويتكەنى بۇل ارەكەتتەر اۆتوكولىكتە دە بولعان.