ۇكىمەت باسشىسىنىڭ ورىنباسارى قىزمەتىن اتقارىپ كەلە جاتقان يمانعالي نۇرعالي ۇلىنىڭ قىزمەتىنەن بوساتىلعانى حابارلاندى.
اقوردا باسپا ءسوز قىزمەتىنىڭ حابارلاۋىنشا، يمانعالي نۇرعالي ۇلى قازاقستاننىڭ رەسەيدەگى توتەنشە جانە وكىلەتتى ەلشىسى قىزمەتىنە تاعايىندالدى.
يمانعالي نۇرعالي ۇلى تاسماعامبەتوۆ 1956 جىلى 9 جەلتوقساندا گۋريەۆ وبلىسى ماحامبەت اۋدانى نوۆوبوگات اۋىلىندا دۇنيەگە كەلگەن. 1979 جىلى ا.س. پۋشكين اتىنداعى ورال پەداگوگيكالىق ينستيتۋتىنىڭ جاراتىلىستانۋ-گەوگرافيا فاكۋلتەتىن بىتىرگەن، گەوگرافيا جانە بيولوگيا پاندەرىنىڭ ءمۇعالىمى.
1981-1991 جىلدار ارالىعىندا كوكپ مۇشەسى. قازاقستان كومپارتياسى وك ساياسي بيۋروسىنىڭ مۇشەسى (1990-1991). ق ر جوعارعى كەڭەسى 12-شاقىرىلىمىنىڭ دەپۋتاتى (لكجو).
1973-1974 جىلدارى - گۋريەۆ وبلىسى ماحامبەت اۋىلىنداعى بالالار-جاسوسپىرىمدەرگە ارنالعان سپورت مەكتەبىندە جاتتىقتىرۋشى. 1979 جىلدان - گۋريەۆ وبلىسى ماحامبەت اۋىلىنداعى ورتا مەكتەپتە گەوگرافيا جانە بيولوگيا پاندەرىنىڭ ءمۇعالىمى. 1979 جىلدان - قازاقستان لكجو ماحامبەت اۋداندىق كوميتەتىنىڭ ۇيىمداستىرۋ ءبولىمىنىڭ مەڭگەرۋشىسى، كومسومول جۇمىسى كابينەتىنىڭ مەڭگەرۋشىسى، گۋريەۆ وبلىستىق كوميتەتىنىڭ كومسومول ۇيىمدارى ءبولىمىنىڭ مەڭگەرۋشىسى. 1983 جىلدان - قازاقستان لكجو گۋريەۆ قالالىق كوميتەتىنىڭ ءبىرىنشى حاتشىسى. 1985 جىلدان - قازاقستان كومپارتياسى گۋريەۆ قالالىق كوميتەتى ۇيىمداستىرۋ ءبولىمىنىڭ مەڭگەرۋشىسى. 1986 جىلدان - لكجو گۋريەۆ وبلىستىق كوميتەتىنىڭ ءبىرىنشى حاتشىسى. 1988 جىلدان - قازاقستان لكجو وك جۇمىسشى جاستار جانە الەۋمەتتىك-ەكونوميكالىق پروبلەمالار بولىمدەرىنىڭ مەڭگەرۋشىسى، حاتشىسى. 1989 جىلدان - قازاقستان لكجو وك-نىڭ ءبىرىنشى حاتشىسى. 1991 جىلدان - ق ر جاستار ءىسى جونىندەگى مەملەكەتتىك كوميتەتىنىڭ ءتوراعاسى. 1993 جىلدان - ق ر پرەزيدەنتىنىڭ كومەكشىسى. 1995 جىلدان - ق ر پرەمەر-مينيسترىنىڭ ورىنباسارى. 1997 جىلدان - ق ر پرەمەر-مينيسترىنىڭ ورىنباسارى - ءبىلىم جانە مادەنيەت ءمينيسترى. 1997 جىلدان - ق ر پرەزيدەنت اكىمشىلىگى باسشىسىنىڭ ورىنباسارى، ۇيىمداستىرۋ-باقىلاۋ ءبولىمىنىڭ مەڭگەرۋشىسى. 1998 جىلدان - ق ر پرەزيدەنتىنىڭ ءبىرىنشى كومەكشىسى. 1999 جىلدان - اتىراۋ وبلىسىنىڭ اكىمى. 2000 جىلدان - ق ر پرەمەر-مينيسترىنىڭ ورىنباسارى. 2002 جىلدان - ق ر پرەمەر-مينيسترى. 2003 جىلدان - ق ر مەملەكەتتىك حاتشىسى. 2004 جىلى ق ر پرەزيدەنت اكىمشىلىگىنىڭ باسشىسى بولىپ تاعايىندالدى. 2004 جىلدىڭ جەلتوقسان ايىنان 2008 جىلدىڭ ساۋىرىنە دەيىن - الماتى قالاسىنىڭ اكىمى. 2008-2014 جىلدارى - استانا قالاسىنىڭ اكىمى. 2014 جىلدىڭ قازان ايىندا قازاقستان رەسپۋبليكاسىنىڭ قورعانىس ءمينيسترى بولىپ تاعايىندالدى. ال، 2016 جىلدىڭ قىركۇيەگىندە ق ر پرەمەر-مينيسترىنىڭ ورىنباسارى بولعان ەدى.
قازاقستان رەسپۋبليكاسى قاۋىپسىزدىك كەڭەسىنىڭ مۇشەسى. «مادەني مۇرا» مەملەكەتتىك باعدارلاماسى قوعامدىق كەڭەسىنىڭ ءتوراعاسى (2004-2006). UNESKO ىستەرى جونىندەگى ق ر ۇلتتىق كوميسسياسىنىڭ ءتوراعاسى. قازاقستان رەسپۋبليكاسىنىڭ وقپەن اتۋ فەدەراسياسىنىڭ قۇرمەتتى پرەزيدەنتى. ءا.ح.مارعۇلان اتىنداعى حالىقارالىق قوردىڭ باسقارما ءتوراعاسى. «14 تومدىق ءا.ح.مارعۇلاننىڭ شىعارمالارى» رەدكوللەگياسىنىڭ مۇشەسى. «ساياسات-پوليتيكا» اي سايىن جارىق كورەتىن اقپاراتتىق-ساراپتامالىق بيۋللەتەنى رەداكسيالىق كەڭەسىنىڭ ءتوراعاسى. «ەۋرازيالىق قاۋىمداستىق» توقساندىق عىلىمي جۋرنالىنىڭ رەداكسيالىق كەڭەسىنىڭ مۇشەسى. تاۋەلسىزدىكتىڭ ون جىلدىعىن اتاپ ءوتۋ بويىنشا، سونداي-اق يۋنەسكو كولەمىندە مەرەكەلەنگەن قازاق مادەنيەتى مەن عىلىمىنىڭ كورنەكتى قايراتكەرلەرى: 1995 جىلى - اباي قۇنانبايەۆتىڭ تۋعانىنا 150 جىل، 1996 جىلى - جامبىل جابايەۆتىڭ تۋعانىنا 150 جىل، 1997 جىلى - مۇحتار اۋەزوۆتىڭ تۋعانىنا 100 جىل، 1997 جىلى قانىش ساتبايەۆتىڭ تۋعانىنا 100 جىل، 2002 جىلى - عابيت مۇسىرەپوۆتىڭ تۋعانىنا 100 جىل جانە 2004 جىلى - الكەي مارعۇلاننىڭ تۋعانىنا 100 جىل تولۋىنا ارنالعان مەرەيتويلاردى وتكىزۋ جونىندەگى مەملەكەتتىك كوميسسيالارىنىڭ ءتوراعاسى. مونعولياعا، باتىس قازاقستانعا جانە رف-نىڭ استراحان وبلىسىنا (كاسپيي: مۇناي جانە مادەني جانە ت.ب. جەرلەرگە) حالىقارالىق مادەنيەتتانۋشىلىق ەكسپەديسيالاردىڭ ۇيىمداستىرۋشىسى. سولاردىڭ ءبىرىنىڭ ناتيجەسىندە، 2000 جىلى مونعوليادان قازاقستانعا ەجەلگى كۇلتەگىن تاس حاتى كايتارىلدى. فيلوسوفيا عىلىمىنىڭ كانديداتى. كانديداتتىق ديسسەرتاسيا تاقىرىبى - «دۇنيەتانۋ اسپەكتىلەرىنىڭ ەكولوگيالىق پروبلەماسى» (1990). ساياساتتانۋ عىلىمىنىڭ دوكتورى. ديسسەرتاسيا تاقىرىبى - «ترانزيتتىك ساياسي جۇيەلەرىندەگى الەۋمەتتىك ساياسات» (1997). «قازاقستاننىڭ الەۋمەتتىك-ساياسي جاڭارۋى: ۇردىستەر مەن باسىمدىقتار» (1996)، «قازاقستان: مەملەكەت جانە قوعام ەۆوليۋسياسى» (1996)، قازاقستان رەسپۋبليكاسى كونستيتۋسياسىنىڭ تۇسىندىرمە سوزدىگى ۇجىمىنىڭ جەتەكشىسى (1996)؛ «ساياسي ترانسفورماسيا جانە قوعامنىڭ وتپەلىلىك پروبلەماسى» (1997)، «ورتالىق ازيا زەرگەر - شەبەرلەرىنىڭ تۋىندىلارى» يلليۋستراسيالىق البومىنىڭ اۆتورى (1997)، «قازاقستان مۇناي-گاز وندىرىسىنە 100 جىل» (1999)، پەكيننەن استاناعا دەيىن: استانالاردىڭ اۋىسۋ تاريحى» (2001)، «سارايشىق» (2002 ج.)، «ۇلى دالا كەنتاۆرى» (2005ج.) كىتاپتارىنىڭ اۆتورى. الەۋمەتتىك-ەكونوميكالىق دامۋ جانە ساياساتتانۋ پروبلەمالارى بويىنشا بىرنەشە عىلىمي ەڭبەكتەر مەن ماقالالاردىڭ اۆتورى. «الەۋمەتتىك ماسىلدىق ساياساتى جانە مەملەكەتتىلىك داعدارىسى»، «الەۋمەتتىك ساياساتتىڭ تابيعاتى مەن تيپولوگياسى» (1997)، «1996 جىلعى الەۋمەتتىك سالاداعى رەفورمالاۋدىڭ ناتيجەلەرى جانە قازاقستان رەسپۋبليكاسى ءبىلىم جانە عىلىم مينيسترلىگىنىڭ 1997 جىلعى نەگىزگى باسىمدىقتارى مەن مىندەتتەرى» (1997)، «الەۋمەتتىك سالانىڭ شەكتەۋلى رەسۋرستار جاعدايىنداعى دامۋ ستراتەگياسى» (1997)، «قازاقستان ساياساتتانۋ ەنسيكلوپەدياسى» (1998)، «مەملەكەتتىڭ ءبىرىنشى تۇلعالارى: تاريح پەن قازىرگى زامان تۇرعىسىنداعى ساياسي پورترەتتەر» جيناعى اۆتورلىق ۇجىمىنىڭ مۇشەسى، باس رەداكتورى (1998)، «اتىراۋ وبلىسىنداعى دامۋدىڭ قارجىلىق پروبلەمالارى» (1999).
«پاراسات» وردەنى (1998)، قازاقستان رەسپۋبليكاسىنڭ ءبىرىنشى پرەزيدەنتى ن.ءا. نازاربايەۆتىڭ وردەنى (2004)، ورىس پراۆوسلاۆ شىركەۋىنىڭ «ماسكەۋلىك دانييل قاسيەتتى پاتشاسىنىڭ» وردەنى، رەسەي فەدەراسياسىنىڭ «دوستىق» وردەنىمەن جانە II دارەجەلى «بارىس» وردەنىمەن (2010) ماراپاتتالعان.
پىكىر قالدىرۋ