اراب ۇلتىنىڭ وكىلى بريتاندىق  ەسرا الحامال بۇكىل الەمدە حيدجابپەن ساياحاتتايدى. بريتاندىق قىزدىڭ سوزىنە قاراعاندا رەسەيدە يسلامافوبيا دەڭگەيى شەكتەن شىعىپ كەتكەن دەپ حابارلايدى «قامشى پورتالى» lenta.ru-عا سىلتەمە جاساپ.

ەسرانىڭ ايتۋى بويىنشا، ول كوپتەگەن مەملەكەتتەرگە ساياحاتتاعان سونىڭ ىشىندە  رەسەي مۇسىلماندارعا الا كوزبەن، قاستىقپەن قارايتىن ەلدەر قاتارىنا كىرەدى.

ول ەلدەر قاتارىندا اقش-تا بار. دونالد ترامپتىڭ بوسقىندارعا قاتىستى  قابىلداعان زاڭىنىڭ كەسىرىنەن، اقش-قا بارا المايتىنىن ايتادى. تۋريست قىز  2015 جىلى تەرراكت ارەكەتتەرىنەن كەيىن پاريجدە دە بولعانىن، سوندا بولعاندا  تۇرعىنداردان وزىنە قاتىستى قاستىق، تەرىس قىلىقتار كۇتكەنىن، الايدا ولاردىڭ تاراپىنان وداي ەشتەڭەنىڭ بايقالماعانىن ايتادى.     

مۇسىلداندارعا ۇقساماۋ ءۇشىن ورامالدى باسقاشا تاعۋ كەرەك بولعان ساتتەردىڭ ورىن العانىن جەتكىزدى. باسىنداعى ورامالدى شري لانكادا جۇرگەن كەزدە شەشۋگە تالاپ ەتكەنىن، حرامداردىڭ بىرىنە كىرەردە باسىنداعى ورامالىن شەشۋدى سۇراعانىن، الايدا ساياحاتشى قىز ول حرامعا كىرۋدەن باس تارتقانىن ايتتى.

ساياحاتشى-مۇسىلماندار ءۇشىن ەڭ قولايلى ەلدەر رەيتينگىسىندە رەسەي 2016 جىلى    130   ەلدىڭ ىشىنەن 49-ورىن العان. قازىرگى ۋاقىتتا بىرتىندەپ  حالال ستاندارتتارعا كوشىپ جاتقان رەسەي، قوناق ۇيلەرىن دە يسلام نورماسىنا ىڭعايلاپ جاساپ جاتقان كورىنەدى.

دەسە دە، رەسەيدەگى يسلاموفوبيا باسقا ەلدەرگە قاراعاندا انىق ءارى ايقىن بىلىنەتىنى جاسىرىن ەمەس.