الەۋمەتتىك جەلىدە ديماشتىڭ فان پاراقشاسىن اشقان جانكۇيەرلەرى ونىڭ اۋىرىپ قالعانىن جازدى دەپ حابارلايدى qamshy.kz. مۇنى وقىعاندار قازاقستاندىق انشىگە تەزىرەك ساۋىعىپ كەتۋىن تىلەپ جاتىر. ديماشتىڭ اۋىرعانىنا قاراماستان ساحناعا شىعىپ، ءان ايتىپ جانە بەسىنشى ورىن العانىن جوعارى باعالاۋدا.
جۇڭگو ەلىندە ءوتىپ جاتقان I Am a Singer بايقاۋىنىڭ 8ء-شى كەزەڭىندە ءان ايتقاندا داۋىسى قارلىعىپ شىققان. ينستاگرام الەۋمەتتىك جەلىسىن قولدانۋشىلار ونىڭ اقتوبەگە كەلگەندە سۋىق تيگىزىپ الۋى مۇمكىن دەپ توپشىلايدى.
ەستەرىڭىزگە سالا كەتەيىك، ديماش سەگىزىنشى كەزەڭدە قىتايلىق تانىمال ءانشى حان حۋننىڭ «تاڭ اتتى» ءانىن ورىنداپ، بەسىنشى ورىن الدى. ال وسى سەنبىدە وتانداسىمىزدىڭ اتالمىش جوبادا قازاقتىڭ «دايديداۋ» اتتى ءانى قىتايدىڭ Hunan TV ارناسىنان كورسەتىلەدى.
