بۇگىندە كەز-كەلگەن ساۋدا ورنىنا بارساڭىز «KFC»-گە كەزەككە تۇرعان ۇزىن سونار حالىقتى كورەسىز دەپ جازادى qamshy.kz. ءتىپتى، ورىن شانشار ورىن بولماي جاتادى. ءبىر تاڭقالاتىنىم نەلىكتەن حالىق وسىنشالىقتى بۇل تاعامعا ىنتىق  بولىپ تۇرادى، نەگە جالىقپايدى؟  كەرىسىنشە، سۇرانىس جىل سايىن جوعارلاپ، ەلىمىزدىڭ تۇكپىر-تۇكپىرىندەگى ساۋدا ورىندارىندا بوي كوتەرە باستادى.

العاش اقش-تا پايدا بولعان بۇل قۋىرىلعان بالاپانداردىڭ قازىرگى كەزدە برەندكە اينالىپ ۇلگەرگەنى تاڭ قالدىرادى.  العاش گارلان ساندەرس ەسىمدى ادام ويلاپ تاۋىپ، جالپى جۇرتشىلىققا ۇسىنعان ەكەن.  "KFC" ءسوزىنىڭ تولىق جازىلۋى – Kentucky Fried Chicken.  ياعني ، "كەنتۋككيالىق قۋىرىلعان بالاپانى"  دەگەندى بىلدىرەدى.  ءبىر رەت ءدامىن كورگەن ادامدى ىنتىقتىرىپ تۇراتىن قۇپياعا تولىپ استىڭ وزىندىك  قۇپياسىن  حالىقتان ءالى كۇنگە دەيىن جاسىرىن ۇستاپ كەلەدى.

كىشكەنتاي دۇنيەدەن ۇلكەن ءبىر سەرپىلىس تۋعىزىپ، الەمدىك قولدانىسقا ەنگىزگەن باقىتتى جاننىڭ  جاساعان  عاجايىبىنىڭ ارقاسىندا اقش-تا پايدا بولعان بۇل تاعامدى  الەمنىڭ قاي بۇرىشىنا بارىپ ىزدەسەڭىز قينالماي-اق تاۋىپ الاسىز.  وسى ارقىلى وزدەرىنە سانسىز پايدا ءتۇسىرىپ جاتقان كاسىپكەرلەردىڭ  دە قاتارى ارتىپ كەلەدى. سەبەبى جاقىندارىمىزبەن باس قوسىپ، كوتەرىڭكى كوڭىل-كۇي سىيلاۋدىڭ ەڭ ءتيىمدى ءادىسى دەپ سانايتىن جانداردىڭ لەگى كوپ.

ءبىر وكىنىشتىسى، ءبىز تاۋىق ەتىنە دەگەن شەكسىز سۇيىسپەنشىلىگىمىز ارقاسىندا شەتەلدىڭ قارجىسىن قامپايتىپ، ءوز قالتامىزدى قاعىپ جاتىرمىز.  الەمدىك برەندتىڭ قۇدىرەتتىلىگىن مويىنداي وتىرىپ، تاعامنىڭ تاڭعاجايىپ دامىنەن ەشقاشاندا باس تارتپايتىنىمىزدى دالەلدەپ كەلەمىز.

اقيقاتىنا كەلسەك، قازاقستاندا ءوزىنىڭ ۇلتتىق تاعامدارىن وسىنداي الەمدىك دەڭگەيدە ۇلكەن سۇرانىسقا يە بولعىزىپ، برەندكە اينالدىرۋعا قاۋقارلى. قىمىزدىڭ ءوزى تالاي شەتەلدىكتىڭ تاڭدايىن قاقتىرىپ ءجۇر ەمەس پا؟

دەمەك،  «KFC» سىندى بەدەلدى دە پايدالى تاعامدار جەلىسىنە كەزەك كۇتىپ تۇرعانشا،  ۇلتتىق تاعامدارىمىزدىڭ سۇرانىسقا يە بولۋىنىڭ جولدارىن قاراستىرىپ، سونىڭ تاعدىرىنا الاڭدايىق.

تىلەگەن كوگەرشىن