اقش-تىڭ وڭتۇستىك كارولينا شتاتىندا تۇراتىن جاننا سيممونستى ءقازىر مەديسينانىڭ عاجايىبى دەپ اتايدى. 14 جاستاعى ءجاسوسپىرىم قىز ءوزىنىڭ جارامسىز جۇرەگىن اۋىستىرۋ ءۇشىن 4 ايدان استام ۋاقىت جۇرەكسىز ءومىر ءسۇردى. سيممونس ديلاتاسيالىق كارديوميوپاتيا كەسەىنە شالدىققان. ياعني، جۇرەگى ءالسىز ءارى كامەراسى ۇلكەيىپ كەتكەن. سونىڭ كەسىرىنەن دەنەسىنە قاندى تولىق ايداي المايدى دەپ جازادى halyknews.kz.

ماياميدەگى بالالار اۋرۋحاناسىنىڭ حيرۋرگتارى 2008 جىلدىڭ 2-شىلدەسىندە الدىن-الا جۇرەگىن اۋىستىرۋ وپەراسياسىن وتكىزدى. ءبىراق جاڭاجۇرەك جۇمىس ىستەمەي قالدى دا، ونى دەرەۋ الىپ تاستادى. جاننا بولسا جۇرەكسىز ءومىر سۇرە بەردى. ونىڭ قانىن قولدان، ناسوس ارقىلى اينالدىرىپ وتىردى. بالالار كارديحيرۋرگياسىنىڭ ديرەكتورى دوكتور ريچچي «جاننا 118 كۇن جۇرەكسىز توسەككە تاڭىلىپ جاتتى. ونىڭ قانىن قولدان جاسالعان ەكى ناسوس اۋنالدىرىپ وتىردى»، – دەيدى.

توسەكتە جاتقان ءتورت اي جاس قىزدىڭ اعزاسىنا وڭاي تيگەن جوق. وسىنشاما ۋاقىتتا بۇيرەگى مەن باۋىرى زاقىمدانىپ، اسقازانىنان قان كەتتى. قازان ايىندا دونور تابىلىپ، وپەراسيا ءساتتى ءوتتى. جاڭا جۇرەك جاس قىزدىڭ اعزاسىنا تەز بەيىمدەلدى. بۇل مەديسينا تاريحىندا بۇرىن-سوڭدى بولماعان وقيعا ەدى.