كوكتەممەن بىرگە كەلەتىن ەڭ شۋاقتى مەرەكەنىڭ اۋىلى الىس ەمەس. ارۋلار، اسىل جاندارعا دەپ قۇشاق-قۇشاق گۇل تاسيتىن، يدەال ءومىردىڭ ۇلگىسىندەي بولاتىن سول ءبىر كۇننىڭ كەلۋىنە كوپ قالمادى دەپ جازادى massaget.kz.

وسىعان وراي، 8 ناۋرىز – حالىقارالىق ايەلدەر كۇنىنە قاتىستى قىزىقتى دەرەكتەر ءتىزىمىن ۇسىنىپ وتىرمىز.

 1. 1910 جىلى كوپەنگاگەن قالاسىندا وتكەن حالىقارالىق سوسياليست ايەلدەردىڭ كونفەرەنسياسىندا  كلارا سەتكين  8 ناۋرىز كۇنىن حالىقارالىق ايەلدەر كۇنى مەرەكەسى ەتىپ جاريالاۋدى ۇسىندى جانە دە ءوز قۇقىقتارى مەن تەڭدىك ءۇشىن كۇرەسۋگە شاقىراتىن ۇندەۋىن وقىدى.  بۇل ۇندەۋ دۇنيەجۇزىنىڭ كوپتەگەن ەلىنىڭ ايەلدەرىنەن قولداۋ تاپتى. ولار تەك ءوز قۇقىقتار ءۇشىن كۇرەسۋدى عانا ەمەس كەدەيشىلىككە، ەڭبەك ەتۋ قۇقىعى مەن ار-نامىستىڭ تاپتالماۋىنا جانە دە بەيبىتشىلىك ءۇشىن كۇرەسەتىندەرىن ءبىلدىردى.

2. بۇرىن كسرو قۇرامىندا بولعان ەلدەردە 8 ناۋرىز مەرەكەسىنىڭ سيمۆولى بولىپ ميموزا گ ۇلى ەسەپتەلەدى. ءبىراق، شىنتۋايتىنا كەلگەندە اتالعان مەيرامدى تويلايتىن كوپتەگەن ەل ءۇشىن ايەلدەر كۇنىنىڭ سيمۆولى – قىزعالداق.

3. بۇل مەرەكە ەجەلگى ريمدە دە تويلانعان بولىپ شىقتى. ولار دا بۇل كۇنى نازىك جاندىلارعا سىي تارتىپ، قۇتتىقتاۋلارىن جەتكىزەدى ەكەن. ادەتتە مۇنداي قۇرمەتكە بيلەۋشىلەردىڭ جۇبايلارى عانا يە بولعان. ال، قۇلدىقتاعى ايەلدەرگە رەسمي دەمالىس تاعايىندالىپ وتىرعان.

4. 1950 جىلى 8 ناۋرىزدا كسرو اتوم بومباسى بار ەكەنىن جاريالادى.

5. كاپيتاليستىك ەلدەر 8 ناۋرىزدى مەرەكە دەپ مويىنداعان جوق. ءالى دە سولاي. ءبىراق كوپ ەلدە، اتاپ ايتقاندا: امەريكادا – «انالار كۇنى»، فرانسيادا  – «اجەلەر كۇنى»، جاپونيادا – «قىزدار كۇنى» دەگەن بار. ولار جاز ايلارىندا تويلانادى.

6. ءقازىر 8 ناۋرىز قازاقستان، ارمەنيا، ءازىربايجان، اۋعانىستان، بەلارۋس، بۋركينا-فاسو، ۆەتنام، گۆينەيا-بيساۋ، گرۋزيا، زامبيا، كامبودجا، قىرعىزستان، كيريباتي، جۇڭگو، كوستا-ريكا، كۋبا، لاوس، ماداگاسكار، مولدوۆا، موڭعوليا، نەپال، رەسەي، سەربيا، تاجىكستان، تۇركمەنستان، ۋگاندا، وزبەكستان، ۋكراينا، حورۆاتيا، چەرنوگوريا، ەريترەيا، لاتۆيا سىندى الەم ەلدەرىندە اتالىپ وتەدى.

7.  ماداگاسكاردا 8 ناۋرىز كۇنى تەك ايەل ادامدار عانا دەمالادى ەكەن. ال قىتايدا مۇلدەم دەمالىس كۇنى دەپ بەكىتىلمەگەن. بىزدە بولسا، بۇل كۇن رەسمي تۇردە دەمالىس كۇنى دەپ 1966 جىلى جاريالاندى.

8. اتالعان مەيرام ونى تويلامايتىن ەلدەردە باسقا مەرەكەلەرگە سايكەس كەلەدى. مىسالى، سيريادا 8 ناۋرىز – ريەۆوليۋسيا كۇنى، زامبيادا – جاستار كۇنى، مالايزيادا – سۇلتان كۇنى، ليبەريادا – سوعىستا باقيلىق بولعانداردى ەسكە الۋ كۇنى.