الماتى قالاسىندا 8 ناۋرىز مەرەكەسىن سىلتاۋ قىلعان ءبىر توپ فەمينيست الاڭعا شىقتى دەپ حابارلايدى «قامشى» پورتالى «قاسىمعا» سىلتەمە جاساي وتىرىپ. «يا نە حوچۋ بوياتسيا مۋجچين»، «سوبليۋدەنيە پراۆ ي بەزوپاسنوست ۆ جەنسكيح كولونياح»، «جەنششينا نيكومۋ نيچەگو نە دولجنا» ۇرانىن كوتەرگەن قىز-كەلىنشەكتەر ەلدەگى زورلىق-زومبىلىقتى جانە ءبىر جىنىستىلاردى كەمسىتۋدى توقتاتۋدى تالاپ ەتكەن.

الاڭعا شىققان بەلسەندىلەردىڭ ايتۋىنشا، سوڭعى جىلدارى قازاقستاندا وتباسىلىق زورلىق-زومبىلىقتىڭ ۇلەس سالماعى ارتىپ كەتكەن. 

«سوڭعى جىلدارى 8 ناۋرىز گۇلدەر مەن نازىكتىكتىڭ مەرەكەسىنە اينالدى. جۇرت ايەل ادامدار ۇنەمى نازىك ءارى سۇلۋ بولۋى كەرەك دەيدى. ءبىز بۇل ءداستۇردى بۇزىپ، 8 ناۋرىزدىڭ شىنايى ءمانىن قالپىنا كەلتىرگىمىز كەلەدى. ياعني ايەلدەر ەركەكتەرمەن تەڭ بولۋى كەرەك. ايەلدەر جۇمىستا، كوشەدە، قوعامدا ەرلەرمەن بىردەي تاڭداي جاساي الۋى ءتيىس. ەر مەن ايەل دەپ بولىنۋگە قارسىمىز. ءبىزدىڭ ەلدە بۇل ۇدەرىس كەنجەلەپ قالدى، – دەيدى شەرۋشىلەر.

ولاردىڭ ايتۋىنشا، ايەل ادام بالا تۋۋعا مىندەتتى ەمەس. بۇل اركىمنىڭ ءوز تاڭداۋى. 

ايتا كەتۋ كەرەك، شەرۋ بارىسىندا ءتارتىپ بۇزۋشىلىقتار ورىن الماعان. قۇقىق قورعاۋشىلار تاراپىنان ەسكەرتۋ دە ايتىلماعان.