قىسقا الىنعان تىرناق، گيگيەنالىق دالاپ، ءتىستى كۇنىنە ەكى رەت تازالاۋ. ءبىر قاراعاندا، ەڭ دۇرىس جانە «سالاۋاتتى» ادەتتەر ءتىزىمى سەكىلدى كورىنەدى. دەگەنمەن، شىن مانىندە، ءبارى وتە كۇردەلى دەپ جازادى massaget.kz.  

جىلدىڭ سۋىق مەزگىلىندە جاعىلعان گيگيەنالىق دالاپ

عيماراتتاردا جىلۋ قوسىلعاندا، بولمە ىشىندەگى اۋا تىم قۇرعاق بولادى. ەگەر مۇنداي جاعدايدا گيگيەنالىق دالاپ قولدانساڭىز، ونىڭ قۇرامىنداعى ۆازەلين ىلعالدى اۋادان ەمەس (اۋادا ىلعال جوق)، ەرنىڭىزدەن سورادى. ناتيجەسىندە، ەرنىڭىز ودان سايىن قۇرعاپ، ال ءسىز ونى ىلعالداندىرۋ ءۇشىن دالاپتى قايتا-قايتا جاعا بەرەسىز.   

عالىمدار زەرتتەۋى بويىنشا، ايەل ادام 10 جىل ىشىندە مۇناي ونىمدەرىنىڭ نەگىزىندە جاسالعان 3 كەلى تەحنيكالىق ۆازەلين «جەيدى» ەكەن. ماماندار قاتەرلى ىسىك ۆازەلينمەن تىعىز بايلانىستى دەپ بولجايدى. وعان قوسا، ومىراۋ قاتەرلى ىسىگىنە دۋشار بولعان ايەل اعزاسىنداعى گيدروكاربونات (تەحنيكالىق ۆازەلين قۇرامىنداعى زاتتار) مولشەرى ساۋ ايەلگە قاراعاندا، ەكى ەسە كوپ بولاتىنى انىقتالىپ وتىر.    

 نە ىستەۋ قاجەت؟ 

اۋا ىلعالداتقىشىن ورناتىڭىز. بولمە ىشىندە اۋا ىلعالدىلىعى 60%-دان كەم بولماۋى ءتيىس!  

ارا بالاۋىزىنان جاسالعان گيگيەنالىق دالاپ ساتىپ الىڭىز.

كۇنىنە 2 ليتر سۋ ءىشىڭىز.

ىلعالداندىرۋ سىرتتان ەمەس، ىشتەن بولۋ كەرەك!  

ەگەر ءسىز تىرناعىڭىزدى قىسقا ەتىپ قيىپ، مۇنىڭ ەش ءقاۋپى جوق دەپ ويلاساڭىز، قاتەلەسەسىز. دۇرىس ەمەس الىنعان تىرناق تىرناق استى ەتىنە ءوسۋى مۇمكىن.   

ەگەر قىسقا الىنعان تىرناق استى ىرىڭدەي باستاسا، نە ىستەۋ كەرەك؟

اياعىڭىزدى بۋعا ۇستاپ، تەرىسىن جۇمسارتىڭىز.

ءتىس تازالاعىش كومەگىمەن، كىشكەنتاي ماقتانى تىرناق استىنا تىعىڭىز.

ماقتانى تىرناق استىندا 1 كۇنگە قالدىرىڭىز: بۇل تىرناقتى ىرىڭدەگەن جەردەن ءسال كوتەرىپ، دۇرىس وسۋىنە مۇمكىندىك بەرەدى.  

تىرناق استىنداعى تەرىگە مەديسينالىق پلاستىر جاپسىرىڭىز.

ەتكە ءوسىپ كەتكەن تىرناقتىڭ ۇشىن ءوز بەتىڭىزبەن الۋشى بولماڭىز. ايتىلعان شارالاردى جاساعاننان كەيىن دە، جازىلماسا، دارىگەرگە بارىڭىز!  

فتورلى ءتىس پاستاسى

«فتورلى ءتىس پاستاسى ءتىس ەمالىن قاتايتىپ، كاريەستەن ساقتايدى»، - دەپ ويلاساڭىز، ءسىز جارتىلاي قاتەلەسەسىز. 1972 جىلى وتكىزىلگەن مەديسينالىق زەرتتەۋلەردىڭ ءوزى فتوردىڭ دەنساۋلىققا ءقاۋىپتى ەكەنىن دالەلدەگەن. ول سۇيەكتە جينالىپ، قاتەرلى ىسىك – وستەوساركوما ىندەتىن ۋشىقتىرادى.  

نە ىستەۋ كەرەك؟

فتورلى ءتىس پاستاسىن پايدالانۋدى ازايتىپ، مۇنداي پاستانى كۇنىنە ءبىر رەت قانا پايدالانعان ءجون. فتور نەسەپتە، بۇلشىقەت تارامدارىندا جانە قاندا جينالادى.  ءتىستى قاراپايىم ءتىس پاستاسىمەن نەمەسە ءتىس ۇنتاعىمەن تازالاۋ كەرەك.