ادام ءولتىرۋشى قانىشەرلەر، ادام جەگىشتەر – بارلىعى سۇمدىق قىلمىس جاساعاندار "ادام" دەپ اتاۋعا اۋىز بارمايتىن تىرشىلىك يەلەرى. الەمدە وسى ۋاقىتقا دەيىن قانشاما جاۋىز قانىشەرلەر ءومىر سۇرگەن. قامشى اقپاراتتىق اگەنتتىگى الەمدەگى ەڭ اتاقتى قانىشەرلەردىڭ حيكايالارىن وقىرمان نازارىنا ۇسىنادى.

پسيحولوگتاردىڭ ايتۋىنشا، قانىشەرلەر پسيحولوگيالىق اۋىتقۋعا ۇشىراعان ادامدار. جاستايىنان بەلگىلى-بىر زورلىق-زومبىلىققا دۋشار بولعان، قاتىگەزدىك كورىپ وسكەندەر.

قانىشەر كلوۋن

1994 جىلى كلوۋن لاقاپ اتتى قانىشەر ءولىم جازاسىنا ەكپە ەگۋ ارقىلى قايتىس بولدى. ونىڭ شىن ەسىمى دجون ۆەين گەيسي. بۇل مانياك بالالاردىڭ مەرەكە، كەشتەرىندە جۇمىس ىستەپ سول جەردە ولارعا كوز تاستاپ وتىرعان. 33 بالانى زورلاپ، ولتىرگەن. ولاردىڭ 27ء-سى قىلمىسكەردىڭ جەرتولەسىندە تابىلسا قالعاندارىن سۋعا باتىرىپ ولتىرگەن ەكەن.

يندونەزيالىق احماد سۋرادجي

احماد سۋرادجي – يندونەزيالىق مانياك 42 ايەلدى ولتىرگەن. بارلىعىن بىردەي تاسىلمەن: جەرگە كومىپ تەك باسىن قالدىرعان دا، قىلقىندىرعان. ازاپتانعان ايەلدىڭ اۋزىنان اققان سىلەكەيدى ءىشىپ وتىرعان. 2008 جىلى اتۋ جازاسىنا كەسىلگەن.

«پوتروشيتەل» لاقاپ اتىمەن بەلگىلى اندرەي چيكاتيلو

پوستكەڭەستىك كەزەڭدەگى ەڭ جاۋىز قانىشەر اتالعان. ونىڭ قولىنان 12 جىلدا 52 ادام قازا تاپقان. 1994 جىلى اتىلدى.

ادام جەگىش قانىشەرلەر

نيكولاي دجۋماگالييەۆ

ول ادام جەگىش قاندىقول قىلمىسكەرلەردىڭ ىشىندەگى ەڭ اتاقتىسى دەسەك قاتەلەسپەيمىز. 1990 جىلى الماتى دا تۇرعان، جۇمىس ىستەگەن. 47 ادامدى ولتىرسە دە، تەك 10-ى عانا دالەلدەنگەن. دجۋماگالييەۆتىڭ ءوزى 50-گە جۋىق  جەزوكشەلەردى جەگەنىن مويىنداعان. ولاردىڭ ەتىنەن تاماق ازىرلەپ، دوستارىنا دا وسى تاماقتى بەرگەن ەكەن. 8 جىلعا اۋرۋحاناعا ەمدەلۋگە جىبەرىلدى. الايدا كەيىننەن قىلمىسكەر بوستاندىققا شىققان.

يسسەي سيگاۆا

جاپوندىق ادام جەگىش جاستايىنان دۇرىس قالىپتاسپاي تولىقتاي جەتىلمەگەندىگىن ءوزىنىڭ ارەكەتتەرىمەن دالەلدەي باستاعان. ستۋدەنت شاعىندا ءوزىنىڭ كۋرستاس قىزىن ۇيىنە شاقىرعان دا اتىپ ولتىرگەن. ودان سوڭ 2 كۇن بويى ونىڭ ەتىن جەگەن. 2 جىلعا باس بوستاندىعىنانا ايىرىلعان ول كەيىننەن اۋرۋحاناعا جاتقىزىلدى. كەيىنەن ساگاۆا اقىل-ەسى دۇرىس دەپ تانىلىپ بوستاندىققا شىعادى. ارادا ءبىراز ۋاقىت وتكەن سوڭ ول رەستوراندىق سىنشىعا اينالادى. بۇگىندە ول كىتاپ جازىپ، سۇحبات بەرىپ تانىمال تۇلعاعا اينالدى.

قانىشەرلەر تۋرالى ايتقاندا ادەتتە ەر ادامداردى ەلەستەتەمىز. الايدا تاريحتا سۇمدىق قاتىگەزدىگىمەن تانىلعان قانىشەر ايەلدەر دە بار.

جەسىر ايەل

19 عاسىر مەن 20 عاسىر ارالىعىندا ءومىر سۇرگەن بۇل ايەل ءوزىنىڭ جاقىندارى مەن تۋىسقاندارىن و دۇنيەگە اتتاندىرعان. ونىڭ قولىنان بىرنەشە كۇيەۋلەرى مەن بالالارى قازا تاپقان.

دجەين توپان

مەدبيكە قىزمەتىندە بولعان دجەين توپان ءوزىنىڭ ەمدەلۋشىلەرىن ولتىرگەن. بالالار ۇيىنەن شىققان ول جوقسىزدىقتا ءومىر سۇرگەن، اكەسى دە اۋرۋ بولعان ەكەن. ادامدارعا ەسىرتكى سالىپ ولتىرەتىن بولعان. وسىدان ءلاززات الاتىنىن مويىنداعان. ساراپتامادا دجەيننىڭ اقىل-ەسى دۇرىس ەمەستىگى دالەلدەنگەن.

قاندى گرافينيا

ەليزابەت باتوري قولىنان 30-650 ادام ولگەن. اڭىزدارعا سۇيەنسەك، ول ءوزىنىڭ قۇرباندارىنىڭ قانىندا شومىلعان ەكەن. ءومىر بويى جاس بولىپ قالعىسى كەلگەن ول تەك قىزداردى ولتىرگەن.

اتالعان قانىشەرلەردىڭ بارلىعى ومىردە بولعان، ءبىز تىنىس العان اۋامەن ولار دا تىنىستاعان. بۇگىنگى كۇنى دە قانىشەرلەر، مانياكتار، ادام ولتىرەتىن جاۋىزدار وتە كوپ. ولاردىڭ ءبىرىن بىلسەك، ءبىرىن بىلمەيمىز. ارينە كوپشىلىك قاندىقولداردىڭ پسيحولوگيالىق اۋرۋ ەكەنىنە ەش كۇمان جوق، الايدا كەيبىرەۋلەرى وسى قىلمىستاردىڭ بارلىعىن ءوزىنىڭ جەكە باسىنىڭ قاجەتتەلىگى مەن ءلاززاتى ءۇشىن جاساعاندىعى جاعا ۇستاتادى.

دايىنداعان:نازەركە مۇسا