ءبىز ادامداردىڭ شىنايى بەينەسىن ۋاقىت وتە كەلە بايقايمىز. ۇنەمى بەتپەردە كيىپ جۇرەتىن ادامدار اشۋ ۇستىندە نەمەسە قولىنا اقشا، بيلىك تۇسكەن كەزدە ءبىلدىرىپ قويادى. قولعا بيلىك تۇسكەن كەزدە ادام ءوزىن كوكتى تىرەپ تۇرعانداي اسەردە بولىپ، ءوز-وزىن ۇستاي الماي قالاتىنى شىندىق. سونداي جاعداي يلزا كوحتىڭ باسىنان دا وتكەن ەكەن. ول وزگەلەردى باسقارامىن دەپ، سۇمدىق قىلمىسقا بارعان دەپ جازادى قامشى اقپاراتتىق اگەنتتىگى شەتەلدىك باق-قا سىلتەمە جاساي وتىرىپ.

كىشكەنتاي كەزىندە ول قانداي ادام بولاتىنىن ەشكىم بىلگەن دە جوق. كىشكەنتاي يلزانىڭ مۇعالىمدەرى ونى سىپايى، قاراپايى قىز بولدى دەپ ايتادى. وسە كەلە يلزا بۋحالتەرلىك جۇمىستارمەن اينالىسا باستادى. 1932 جىلى ۋنيۆەرسيتەتكە ءتۇسىپ، كارلا كوحپەن تانىسادى. سودان كەيىن جىگىت بولاشاق مىستاننىڭ كۇيەۋى بولادى.

كەيىن يلزا تۇرمەدە كۇزەتشى بولىپ جۇمىسقا تۇرادى. سول كەزدە ونىڭ العاشقى قىلمىستارى باستالعان. تۇرمەدەگى جازاسىن وتەۋشىلەردى  قامشىمەن ۇرىپ-سوققان جانە دە بۇل ءىستى ءوزىنىڭ كوڭىلىن كوتەرۋ ءۇشىن عانا ىستەگەن. سونىمەن بىرگە ادامداردى ۇرىپ-سوعۋ ونىڭ ەڭ سوراقى قىلمىستارىنىڭ باستاماسى عانا بولاتىن.

يلزا وزگەلەردىڭ دەنەسىندەگى تاتۋيروۆكاسىنا قاتتى قىزىعۋشىلىق تانىتقان ەكەن.  كەيىن جازاسىن وتەۋشىلەردى ءولتىرىپ، ولاردىڭ تەرىسىن سىپىرىپ الاتىن بولعان. ونىڭ ىسىنە وسىمەن بىتە قويمايدى. يلزا تاتۋيروۆكاسى بار ادامنىڭ تەرىلەرىن جيناستىرىپ،  كوللەكسيا جيناپ، ۇيىندە ساقتاپتى.

اتالعان سۇمدىق قىلمىس بەلگىلى بولىپ، يلزا ءومىر بويى باس بوستاندىعىنان ايرىلادى. كەيىن ول تۇرمەدە ءوز-وزىن ءولتىرىپ تىنادى. وسى قىلمىسىنان كەيىن ول بۋحەنۆالتىق مىستان اتانىپ كەتەدى. 

دايىنداعان: اسەل وتەشوۆا