ايتۋلى ەكى عالىمنىڭ زەرتتەۋلەرىنىڭ ناتيجەسى بويىنشا ادامنىڭ ميى «بيولوگيالىق كومپيۋتەر» بولىپ تابىلادى. ال ادامنىڭ ساناسى – كۆانتتىق كومپيۋتەردى باسقاراتىن باعدارلاما. ادامنىڭ  ساناسى-مي ىشىندە ورنالاسقان. ول ادام دۇنيەدەن وتكەننەن كەيىن دە ءوز جۇمىسىن توقتاتپايدى.

ساراپشىلاردىڭ ايتۋىنشا ، ادامنىڭ جۇرەگى توقتاپ قالسا دا، جانى تىرشىلىگىن توقتاتپايدى.

بۇكىل الەم زەرتتەۋشىلەرى ادام جانىنىڭ تىرشىلىگىن توقتاتاۋى جايىندا جىلدار بويى زەرتتەۋلەر جۇرگىزىپ كەلەدى. جاقىن ارادا ءبىر توپ عالىمدار ادام جانى دۇنيەدەن وتكەن سوڭ دا، ادام ميى ءوزىنىڭ تىرشىلىگىن توقتاتپايدى  دەپ حابارلادى.

1996 جىلدان بەرى امەريكالىق فيزيك ، انەستەزيولوگيا مەن پسيحولوگيا سالاسىندا ەڭبەك ەتىپ جۇرگەن ستيۋارت حامەروفف جانە وكسفورد ۋنيۆەرسيتەتىنىڭ فيزيك-ماتەماتيگى رودجەر پەنروۋز سانانىڭ كۆانتتىق تەورياسى سالاسىندا زەرتتەۋ جۇمىستارىن جۇرگىزگەن. زەرتتەۋ ناتيجەسىندە ادام جانى ميدىڭ ميكروبۋتۋلاسىندا ورنالاسقان.

عالىمدار بۇل قۇبىلىستى Orchestrated Objective Reduction — Orch-OR دەپ اتاعان.

تەوريا نەگىزىندە ادامدار «كلينيكالىق ولىمگە» كەزىككەندە مي ىشىندەگى ميكروتۋبۋل ءوزىنىڭ كۆانتتىق ەسىن جوعالتادى، سوعان قاراماستان ادام ميىنداعى بار اقپاراتتى ساقتاپ قالادى.

دوكتور حامەروففتىڭ ايتۋى بويىنشا: «ادامنىڭ جۇرەگى توقتايدى، تامىرلاردان قان ءجۇرۋىن توقتاتادى، ميكروتۋبۋلدار ءوزىنىڭ كۆانتتىق كۇيىن جوعالتادى. سوعان قاراماستان مي ىشىندەگى كۆانتتىق اقپارات ساقتالادى. مۇنداي جاعدايدى ادام كلينيكالىق ولىمگە ۇشىرادى دەپ ايتادى. ونداي جاعدايدا كۆانتتىق اقپارات ادام جانىنان ءبولىنىپ، جەر بەتىنە قايتا ورالادى».

شولۋشى: ايگەرىم تاۋباي