سارسەنبى كۇنى «استانا ەكسپو-2017» ۇك باسقارما ءتوراعاسى «ۆرەميا» گازەتىنىڭ تىلشىسىنە بەرگەن سۇحباتىندا قىرعىزستان پرەزيدەنتىنىڭ ايتقانىنا كۇلە جاۋاپ بەردى.

ەسكە سالا كەتەيىك، المازبەك اتامبايەۆ قىرعىز ەلىنىڭ جاعدايىن ايتا كەلە، ەلىمىزدە اشىلعان كورمە جايىن ءسوز قىلعان: «ەگەر مەن كورمەنىڭ ۇيىمداستىرىلۋىنا استانا سەكىلدى 3 ملرد. دوللار جۇمساعانىمدا، مەنى تىرىدەي ورتەپ جىبەرەتىن ەدى».

قىرعىز باسشىسىنىڭ ايتقان سوزىنە قاتىستى تىلشىلەر احمەتجان ەسمىوۆتىڭ پىكىرىن سۇراعان ەدى، ول ءبۇي دەدى:

«قىرعىز حالقى ءوز پرەزيدەنتتەرىنە نە ىستەيتىنىن بىلمەيمىن. بىزدە پرەزيدەنتتىڭ ءار باستاماسى حالىق تاراپىنان قاشان دا قولداۋ تاۋىپ وتىرادى. مەن ءوزىم اينالىسىپ وتىرعان جوبا بويىنشا، مىنانى ايتقىم كەلەدى: ەكسپو نىساندارىنىڭ قۇرىلىسىنا 3 ملرد ەمەس، 1،3 ملرد دوللار قارجى جۇمسالدى. كورىپ وتىرعاندارىڭىزداي، بۇل نىساندار وتە ساپالى جانە ۇزاق مەرزىمدى. ول قازاقستان حالقىنا ونداعان جىلدار بويى قىزمەت ەتەدى، قالانىڭ كوركىنە اينالادى جانە جۇمسالعان قارجىنىڭ ورنىن تولتىرادى. بۇگىنگى كۇننىڭ وزىندە دەمەۋشىلەردەن، بيلەت ساتۋدان، جالعا بەرۋدەن، ليسەنزيالىق-ينۆەستيسيالىق قىزمەتتەن، جارنامادىن، تۇراقتاردىن، قارجىنى دۇرىس باعىتتاۋ ناتيجەسىندە تۇسكەن قارجى كولەمى 70 ملرد تەنگەنى ياعني 220 ملن دوللاردى قۇراپ وتىر. سوندىقتان كورمە تۋرالى اتامبايەۆ مىرزانىڭ قولىنداعى دەرەكتەر شىندىقتان الىس جاتقانىن ايتقىم كەلەدى».

شولشۋى: گۇلىم جاقان