تاۋەلسىز ەلىمىزدىڭ دامۋ جولىندا ءبىلىم مەن عىلىمعا كەڭىنەن كوڭىل ءبولىپ، اسا نازار اۋدارۋى تەگىن ەمەس. ەلدىڭ بولاشاعىن قولىنا ۇستاعان جاس ورەندەردىڭ تۇلعا بولىپ قالىپتاسۋىنا تىكەلەي اسەر ەتەتىن – پەداگوگيكا سالاسى. حالقىمىز ءالىمساقتان-اق جوعارى باعالاعان ۇستازدىق جولى بۇگىنگى تاڭدا دا ۇلىلىعىن جويعان ەمەس.

«جاقسىنىڭ جاقسىلىعىن ايت، نۇرى تاسىسىن» دەپ، دانا حالقىمىز ايتىپ كەتكەندەي، مەن دە شاكىرت رەتىندە ۇستازدارىمنىڭ ۇلىلىعىن ۇلىقتاپ، ادام بالاسى ءسۇيسىنىپ قارايتىن يگى ىستەرىن دارىپتەگىم كەلەدى. 

«مەن ءوزىمنىڭ ۇستازىما اكەمنەن كەم قارىزدار ەمەسپىن:اكەمنەن ءومىر السام، ال اريستوتەلدەن ءومىرىمدى جاقسى وتكىزۋ تۋرالى ءبىلىم الدىم» دەپ، الەكساندر ماكەدونسكيي ۇستازىنا دەگەن قۇرمەتىن بىلدىرگەن ەكەن. سول سەكىلدى، ماعان اتا-انام ءومىر سىيلاسا، ومىردەگى باعىتىمدى كورسەتىپ بەرگەن ۇستازىم، قىزىلوردا وبلىسى، قازالى اۋدانى، №91 ورتا مەكتەپتىڭ جوعارى ساناتتى ءمۇعالىمى اينۇر قويانبايقىزىن اتاپ وتكىم كەلەدى. بۇلاق كورسە، كوزىن اشا بىلەتىن بىلىكتى پەداگوگ، جان-جاقتى ءمۇعالىمىم مەنىڭ بويىمداعى ازعانتاي دارىنىمدى بايقاپ، دۇرىس جول سىلتەگەن مەنىڭ مەكتەپتەگى دە، ومىردەگى دە ۇستازىما اينالدى. ۇستازىما شىعاراشىلىق تابىس تىلەي وتىرىپ، شاكىرتتىك لەبىزىمدى جۇرەگىمنەن شىققان جىر جولدارى ارقىلى بىلدىرگىم كەلەدى.

اپايىم – اق جۇرەكتى، التىن ادام
ماعان جاقسى ءمۇعالىم بارىنەن دە قىمبات، 
ويتكەنى ول ءمۇعالىم – مەكتەپتىڭ جۇرەگى
ى.التىنسارين

دانا ءھام دانىشپان بوپ جاراتىلعان،
بار ادام ەڭبەگىنەن تاباتىن ءمان.
تابىسى – شىڭعا شىققان شاكىرت بولىپ،
ءار ءىسى كوپكە ءماشھۇر دارا تۇرعان.

ءىسىڭنىڭ ىزگى تۇنعان وڭدى ءبارى،
ۇسىندىڭ كوپ شاكىرتكە مول مۇرانى،
جولىما وشپەستەي قىپ جارىق جاقتىڭ،
قولىما بەرىپ قالام، دومبىرانى.

ولەڭنىڭ نەگىزى – ءسىز مەن قۇراعان،
ونەردىڭ ورداسىنا كەڭ كىرە الام.
بىزدەي شاكىرت كەلەدى-اۋ ءالى سىزگە،
سىزدەي ۇستاز جولىقپاس ەندى ماعان.

اتايىن جاقسىلىعىن ءسان قۇراعان،
اپايىم – اق جۇرەكتى، التىن ادام.
مەنى دە ەلەگەنسىز، سەنىم ارتىپ،
«ەلىڭە ءجۇلدىز بول دەپ جارقىراعان».


قالامدى شىن ب ا ق كورىپ قولعا ۇستاعان،
عالامدى تاڭ قالدىرار زور كۇش تابام.
جارقىراپ، ءجۇلدىز بولىپ تۇرسام دا مەن،
ءسىز ماعان كۇن بولاسىز جول نۇسقاعان.

سوزدەرىمدى تۇرسا دا تىڭداپ عالام،
سىزگە شاكىرت بولدىم دەپ شىن ماقتانام.
«ورازالى اينۇردىڭ وقۋشىسى»،
دەگەن اتاق بارىنەن قىمبات ماعان!

قازۇۋ، «فيلولوگيا جانە الەم تىلدەرى» فاكۋلتەتىنىڭ ستۋدەنتى ەلنۇر نۇرقاسىم