«قازگيدرومەت» رمك-نىڭ سينوپتيكتەرى 2 تامىزعا ارنالعان اۋا رايى بولجامىن جاريا ەتتى، دەپ حابارلايدى Qamshy.kz اقپارات اگەنتتىگى. فرونتالدى اعىمداردىڭ وتۋىنە بايلانىستى رەسپۋبليكانىڭ كەي جەرلەرىندە اۋا رايى تۇراقسىز بولادى. ءبىرقاتار ايماقتاردا نايزاعاي شىعىپ، جاۋىن جاۋسا، كەي جەرلەردە جەل كۇشەيىپ، بۇرشاق جاۋۋى دا مۇمكىن.

باتىستا، وڭتۇستىك باتىستا جانە سولتۇستىك شىعىستا كۇن اشىق بولادى. قوستاناي، اقتوبە وبلىستارىنىڭ ءبىرقاتار ايماقتارىندا سەكۋندىنا 15-20 مەتر جەل تۇرادى. بۇرشاق جاۋۋى دا ىقتيمال.

 قىزىلوردا، كۇندىز اقمولا وبلىسىندا جەلدىڭ كۇشى سەكۋندىنا 15-20 مەترگە جەتەدى. مۇندا دا بۇرشاق جاۋۋى ىقتيمال.

شىعىس قازاقستان وبلىسىنىڭ كەي جەرلەرىندە بۇرشاق جاۋادى، كۇندىز جەل سەكۋندىنا 15-20 مەترگە دەيىن كۇشەيەدى.

 سولتۇستىك قازاقستان وبلىسىنىڭ كەي جەرلەرىندە سەكۋندىنا 15-20 مەتر جىلدامدىقپەن جەل سوعادى. جەكەلەگەن اۋدانداردا بۇرشاق جاۋىپ، تۇندە جانە كۇندىز تۇمان ءتۇسۋى ىقتيمال.

جامبىل، اتىراۋ، كۇندىز وڭتۇستىك قازاقستان، ماڭعىستاۋ، قاراعاندى وبلىستارىندا سەكۋندىنا 15-23 مەتر جىلدامدىقپەن جەل سوعادى.

باتىس قازاقستان وبلىسىنىڭ كەي جەرلەرىندە جەل سەكۋندىنا 15-20 مەترگە دەيىن كۇشەيەدى، كۇندىز داۋىل كوتەرىلۋى مۇمكىن.

كۇندىز اتىراۋ وبلىسىندا، سونداي-اق اقمولا، الماتى، جامبىل، وڭتۇستىك قازاقستان، قىزىلوردا، ماڭعىستاۋ، قوستاناي جانە قاراعاندى وبلىستارىنىڭ ءبىرقاتار ايماقتارىندا اپتاپتى ىستىق بولادى.

قىزىلوردا، وڭتۇستىك قازاقستان، جامبىل، الماتى وبلىستارىندا، سونداي-اق اتىراۋ، باتىس قازاقستان، اقتوبە، قاراعاندى وبلىستارىندا ءورت ءقاۋىپى ساقتالادى.