ق ر پارلامەنتى سەناتىنىڭ دەپۋتاتى دينار نوكەتايەۆا قىزدار ۋنيۆەرسيتەتىنىڭ «قۇرمەتتى پروفەسسورى» اتاعىمەن ماراپاتتالدى، دەپ حابارلايدى Qamshy.kz اقپارات اگەنتتىگى. بۇل جايىندا اتالعان جوو-نىڭ مەدياقىزمەتىندە ءمالىم بولدى.

«قىزدار ۋنيۆەرسيتەتىندە وتكەن عىلىمي كەڭەستىڭ كەزەكتى جينالىسىندا قىزدار ۋنيۆەرسيتەتىنىڭ بۇرىنعى رەكتورى دينار نوكەتايەۆا وقۋ ورنىنىڭ «قۇرمەتتى پروفەسسورى» اتاعىمەن ماراپاتتالدى. 6 جىلدان اسا ۋاقىت وقۋ ورنىنا باسشىلىق ەتكەن دينار نوكەتايەۆا وزىنە كورسەتىلگەن زور قوشەمەتكە العىسىن ءبىلدىرىپ، ۇجىممەن قوشتاستى»، - دەلىنگەن حابارلامادا.

اتاپ وتە كەتەيىك، قىزدار ۋنيۆەرسيتەتىنىڭ رەكتورى دينار نوكەتايەۆا 28 ماۋسىم كۇنى الماتى قالاسى بويىنشا وتكەن سايلاۋدا 32 پروسەنت داۋىسپەن جەڭىسكە جەتىپ، ق ر پارلامەنتى سەناتىنىڭ دەپۋتاتتىعىنا سايلانعان بولاتىن.

ورتالىق سايلاۋ كوميسسياسىنىڭ مالىمەتىنشە، سەناتورلىققا بارلىعى 89 ۇمىتكەر ۇسىنىلعان. سايلاۋ بارىسىن 518 حالىقارالىق جانە وتاندىق بايقاۋشى، 244 قازاقستاندىق جانە شەتەلدىك ب ا ق وكىلدەرى قاداعالاعان. اتاپ وتەتىن جايت، بۇعان دەيىن ءماجىلىس دەپۋتاتى بولعان دينار نوكەتايەۆا بيىل سايلانعان سەنات دەپۋتاتتارى ىشىندەگى جالعىز ايەل.

«6 جىل بويى سىزدەرمەن قويان-قولتىق، بىرلىكتە، بەرەكەدە جۇمىس ىستەگەنىمە قۋانىشتىمىن. قىزدار ۋنيۆەرسيتەتى ۇستاز-پەداگوگتاردى دايىندايتىن، قازاقستان عىلىمى مەن ءبىلىمى سالاسىندا وزىندىك قايتالانبايتىن ءبولمىس-بىتىمى بار وقۋ ورنى. قاسيەتتى قارا شاڭىراقتى ءوز دارالىعىمەن، بىرەگەيلىگىمەن ەرەكشەلەنەتىندىگىن قاشاندا ايتىپ جۇرەمىن. ونى سوزبەن ەمەس، ىسپەن دە دالەلدەپ كەلەمىز»، - دەدى د.نوكەتايەۆا.