ۆەنەسۋەلا پرەزيدەنتى نيكولاس مادۋرو قورشاعان ورتانى قورعاۋ ءمينيسترى حورحە اررەسانى سامۋەل مونكادانىڭ ورنىنا ءسىم باسشىسى ەتىپ تاعايىندادى. بۇل تۋرالى مەملەكەت باسشىسى سارسەنبى كۇنى Venezuela de Television ارناسىنا بەرگەن سۇحباتىندا ايتتى، دەپ حابارلايدى Qamshy.kz اقپارات اگەنتتىگى.

«مەن حورحە اررەسانى سىرتقى ىستەر ءمينيسترى ەتىپ تاعايىندادىم»، - دەدى ول.

مادۋرونىڭ ايتۋىنشا، مونكادو «ارنايى مىندەتتەردى» اتقاراتىن بولادى. ول ۆاشينگتونعا سولتۇستىك امەريكا ءسىم باسشىسىنىڭ ورىنباسارى، امەريكالىق مەملەكەتتەر ۇيىمدارىنىڭ وكىلى رەتىندە بارىپ، ۆەنەسۋەلانىڭ ابىرويىن قورعايدى.

اررەسا قورشاعان ورتانى قورعاۋ مينيسترىنەن بۇرىن جوعارعى ءبىلىم، عىلىم جانە تەحنولوگيا ءمينيسترى، سونداي-اق ۆيسە-پرەزيدەنت بولعان.

ايتا كەتەيىك، ساۋىردەن بەرى پرەزيدەنت نيكولاس مادۋرونىڭ ساياساتىنا قارسى ەلدە نارازىلىق شەرۋى ءوتىپ كەلەدى. سونىڭ سالدارىنان بىرنەشە ادام قازا تاپقان، زارداپ شەككەندەرى دە كوپ.  

سونداي-اق، اقش-تىڭ ۆەنەسۋەلاعا قارسى سانكسيالار ەنگىزبەك ويى دا حابارلانعان. سانكسيا شارالارى امەريكالىق شيكى مۇناي جەتكىزىلىمدەرىنە قاتىستى. سونداي-اق، جوعارعى لاۋازىمداعى شەنەۋنىكتەرگە دە قاتىسى بارى ايتىلعان.