الماتىدا ءبىرىنشى جارتىجىلدىقتا ەكونوميكانىڭ بارلىق سالاسىندا ءوسىم بايقالدى، دەپ حابارلايدى Qamshy.kz اقپارات اگەنتتىگى.

بۇل جايىندا قالالىق اكىمدىكتىڭ باسپا ءسوز قىزمەتى مالىمدەدى.

قالالىق اكىمدىك ۇسىنعان مالىمەتكە سۇيەنسەك، مەگاپوليستە بۇل كۇندە 171،5 مىڭ شاعىن جانە ورتا بيزنەس سۋبەكتىسى جۇمىس ىستەيدى، بيىلعى جىلدىڭ العاشقى جارتىجىلدىعىندا ولاردىڭ سانى 5 پايىزعا ارتقان. قالادا سالىق ءتۇسىمى دە مولايعان. رەسپۋبليكالىق بيۋدجەتكە 645،2 ملرد. تەڭگە تۇسكەن، بۇل وتكەن جىلدىڭ وسى كەزەڭىمەن سالىستىرعاندا 9%-عا (51،1 ملرد. تەڭگە) كوپ.

جەرگىلىكتى بيۋدجەتكە 184،2 ملرد. تەڭگە سالىق قۇيىلعان، بۇل بىلتىرعى جىلدىڭ سايكەس كەزەڭىمەن سالىستىرعاندا 9%-عا (15،2 ملرد. تەڭگە) ارتىق.

«2016 جىلى وڭىرلىك جالپى ءونىم 2،6% نەمەسە 10،3 ترلن. تەڭگەنى قۇرادى. ۇستىمىزدەگى جىلدىڭ 6 ايى ىشىندە ەكونوميكانىڭ بارلىق سالالارىندا ءوسىم بايقالادى: بولشەك ساۋدا 6،8%-عا، كوتەرمە ساۋدا 0،7%-عا، ونەركاسىپ 4،7%-عا، قۇرىلىس 0،7%-عا، بايلانىس 4،9%-عا، اۋىلشارۋاشىلىعى 62،8%-عا ارتقان. تۇرعىن ءۇي سالۋ 15،6%-عا، ينۆەستيسيا كولەمى 235،7 ملرد. تەڭگەگە ءوسىپ، 12،2%-عا ۇلعايعان. ينفلياسيا  3،6%-دى، رەسپۋبليكادا 3،7% قۇرايدى»، دەلىنگەن حابارلامادا.

جالپى، 2017 جىلعى قالا بيۋدجەتى 542،4 ملرد. تەڭگە. وتكەن جىلى ۇنەمدەۋدىڭ ارقاسىندا جەرگىلىكتى بيۋدجەت 33 ملرد. تەڭگەگە، ياعني 50%-عا ارتتى. وتكەن جىلمەن سالىستىرعاندا جولداردى جوندەۋ مەن قۇرىلىس سالۋعا 2،8  ەسە، ال ينجەنەرلىك جەلىلەرگە 1،9 ەسە، اباتتاندىرۋعا 2،7 ەسە كوپ اقشا بولىنگەن.