ەلباسى ن.نازاربايەۆ وبلىس اكىمدەرى مەن ديپلوماتيالىق كورپۋس وكىلدەرىنە ينۆەستيسيا تارتۋ جونىندە ناقتى تاپسىرما بەرىپ،  "ەكسپو-2017" كورمەسى الاڭىن وسى ماقساتتا ءتيىمدى پايدالانۋ قاجەتتىلىگى تۋرالى ايتقان بولاتىن. وسىعان وراي، بۇگىن  قاۋىمداستىق پاۆيلونىندا  "باتىس قازاقستان وبلىسىنىڭ ينۆەستيسيالىق الەۋەتى" تاقىرىبىندا فورۋم ءوتتى. شاراعا ق ر سىرتقى ىستەر ۆيسە ءمينيسترى م.تىلەۋبەردى،  باتىس قازاقستان وبلىسىنىڭ اكىمى ا.كولگىنوۆ، "ەكسپو-2017" قازاقستان بويىنشا كوميسسارى ر. جوشىبايەۆ،  وتاندىق كومپانيا باسشىلارى مەن حالىقارالىق جانە شەتەلدىك قارجى ينستيتۋتتارىنىڭ، 30-دان اسا ەلشىلىك وكىلدەرى قاتىستى.  فورۋمعا قاتىسۋشىلارعا الدىمەن پاۆيلونعا قويىلعان  باتىس قازاقستان وبلىسىنىڭ يننوۆاسيالىق جوبالارى مەن ءوڭىردىڭ ينۆەستيسيالىق  الەۋەتى تانىستىرىلدى. سونداي-اق "قاراشىعاناق پەترولەۋم وپەرەيتينگ  كپو كومپانياسىن كەڭەيتۋگە باعىتتالعان ينۆەستيسيالىق جوبالار مەن "جايىقمۇناي" ج ش س جانە "Nostrum Oil and Gas" كومپانيالار توبىن دامىتۋدىڭ تيىمدىلىگى، ينۆەستيسيالىق جوبالاردى جۇزەگە اسىرۋ تەتىكتەرى تۋرالى دا كەڭىنەن اڭگىمە قوزعالدى. 

     بقو اكىمى ا.كولگىنوۆ "ەكسپو-2017" كورمەسىنىڭ شەتەلدىك كومپانيالارمەن سەرىكتەستىك قارىم-قاتىناس ورناتۋعا زور ىقپال ەتەتىندىگىن ايتىپ، بۇگىنگى ينۆەستيسيالىق فورۋم جاڭاشىل جوبالالاردىڭ جۇزەگە اسۋىنا جانە ءوڭىر ەكونوميكاسىنىڭ ىلگەرىلەۋىنە ءوز سەپتىگىن تيگىزەتىندىگىنە سەنىم ءبىلدىردى. 

 

ء-قازىردىڭ وزىندە فينليانديا ەلىمەن بىرلەسكەن 3 جوبا باستالدى. اتاپ ايتساق، "ستەكلوسەرۆيس" ج ش س  مەن "دجەنەرال فينلاند" كومپانياسىنىڭ بىرلەسكەن جوباسى بويىنشا قۇرىلىس ماتەريالدارىن شىعارۋ قولعا الىندى. سونداي-اق تۇرمىستىق قالدىقتاردى  وڭدەۋ جانە قۇرىلىس سالاسىنداعى 3D جوبالاۋ دەپ اتالاتىن جوبالار دا ءوڭىرىمىز ءۇشىن وتە ماڭىزدى. بۇگىنگى فورۋم كەزىندە باتىس قازاقستان وبلىسىنا ينۆەستيسيا باعىتتاۋعا نيەت ءبىلدىرىپ وتىرعاندار كوپ. مىسالى، يران، جۇڭگو جانە يزرايل مەملەكەتتەرى اۋىل شارۋاشىلىعى سالاسىنا قىزىعۋشىلىق تانىتىپ وتىر.  وسى بويىنشا جۇمىستانامىز" ، - دەدى ءوڭىر باسشىسى. 

فورۋم بارىسىندا پلەنارلىق وتىرىس پەن ۆ2ۆ، ۆ2G فورماتىنداعى كەزدەسۋلەر ۇيىمداستىرىلىپ، كەزدەسۋ سوڭىندا تاراپتار ىسكەرلىك قارىم-قاتىناس جونىندەگى مەموراندۋم مەن بقو-نىڭ كاسىپورىندارىنا ترانسۇلتتىق كومپانيالاردى تارتۋ جونىندەگى كەلىسىمگە قول قويىلدى.