يتاليادا ءورت سوندىرۋشىلەر سىياقى ءۇشىن ورمانعا ءورت قويعان. ىسكە قاتىسى بار بارلىق ادامدار الاياقتىق پەن ماتەريالدى شىعىن كەلتىرگەندەرى ءۇشىن جازالانباق،دەپ حابارلايدى Qamshy.kz اقپارات اگەنتتىگى interfax.ru مالىمەتىنە سۇيەنىپ.

يتاليالىق تەرگەۋشىلەر 15 ادامنان تۇراتىن ءورت سوندىرۋشى-ەرىكتىلەر بريگاداسىنىڭ ءىسىن اشكەرە ەتتى. ءورتتى ورمانعا قويىپ، ارتىنشا ءسوندىرىپ سىياقى الماق بولعان ءورت سوندىرۋشىلەر ەندى جازالاناتىن بولدى.

كوپتەگەن ورتكە قارسى ەرىكتىلەر 42 جاستاعى داۆيد دي ۆيتەنىڭ بريگاداسىنا تۇسۋگە قىزىققان. استارىندا ءبىر ءماننىڭ جاتقانىن بايقاعان تەرگەۋشىلەر ءوز جۇمىستارىنا كىرىسەدى. داۆيد دي ۆيتەنىڭ بريگاداسى كەزەكشىلىكتە بولعان ءتۇنى ءورتتىڭ باستالعانى تۋرالى قوڭىراۋ تولاسسىز  ءتۇسىپ وتىرادى ەكەن. شىندىعىندا وزدەرى ءورت قويىپ، وزدەرى ۋاقىت وزدىرماي ءسوندىرىپ وتىرعان. ونىڭ سەبەبى، ءاربىر اۋىزدىقتالعان ءورت ءۇشىن قوسىمشا €10 تولەنگەن.