سولتۇستىك كورەيا تاراپىنان تونگەن يادرولىق قاۋىپتەن جاپونيا تۇرعىندارى جەراستى بۋنكەرلەرىن جاپپاي ساتىپ الۋدى باستاعان دەپ حابارلايدى لايف.رۋ-عا سىلتەمە بەرىپ Qamshy.kz اقپارات اگەنتتىگى. Vice پورتالىنىڭ مالىمەتىنشە، ناۋرىز ايىنان بەرى وسىنداي قۇرالداردى جاساپ شىعاراتىن Oribe Seiki Seisakusho كومپانياسىنىڭ ساتىلىمى ءۇش ەسەگە كوبەيگەن.

اتالعان كومپانيا مۇنداي جابدىقتاردى شىعارۋمەن 30 جىلدان بەرى اينالىسىپ كەلەدى. الايدا ءدال قازىرگى ۋاقىتتا وقىس جاعدايلاردىڭ ورىن الۋىنا بايلانىستى وسى ونىمگە سۇرانىس ءبىرشاما ارتقان. كومپانيا جۇمىسشىلارى قويمانى وسى تاۋارلارمەن قامتاماسىز ەتىپ ۇلگەرمەي جاتقاندىعىن ايتادى.

«مۇنداي بۋنكەرلەردى جاساپ شىعارۋ ءۇشىن كوپ قاراجات پەن ۇزاق ۋاقىت كەرەك. الايدا قازىرگى ۋاقىتتا كليەنتەردەن ەستيتىنىمىز ءبىر عانا نارسە – وسى جابدىقتى ءدال ءقازىر تاۋىپ بەرۋ»، – دەيدى كومپانيا وكىلدەرىنىڭ ءبىرى.

لايف.رۋ-دىڭ جازۋىنا قاراعاندا، كحدر اقش اسكەري بازاسى ورنالاسقان گۋام ارالىنا سوققى بەرۋ جوسپارى بار ەكەنىن ايتقان.