قازاقستان جۋرناليستەر وداعى سىيلىعىنىڭ لاۋرەاتى، 1971 جىلدان «قازاقستان» تەلەراديو كوميتەتىندە ديكتور، باس رەداكتور، ديرەكتور، كوميتەت ءتوراعاسىنىڭ 1-ورىنباسارى قىزمەتتەرىن اتقارىپ كەلگەن تىنىس وتەبايەۆ 73 جاسىندا ومىردەن وزدى دەپ حابارلايدى Qamshy.kz اقپارات اگەنتتىگى. بۇل تۋرالى فەيسبۋكتەگى پاراقشاسىندا «قازاقستان» رترك باسقارما ءتوراعاسى ەرلان قارين جازدى.

«بۇگىن، 2017 جىلدىڭ 28 تامىزىندا، «قازاقستان» تەلەارناسىنىڭ تانىمال ديكتورى تىنىس وتەباي اعامىز 73 جاسىندا ومىردەن وزدى. تەلەارناعا 60-شى جىلداردىڭ اياعىندا كەلگەن تىنىس اعا، تالاي جىلدار ۇلتتىق ارناعا ادال قىزمەت ەتتى. تەك قانا ديكتور ەمەس، ۇزاق ەڭبەك جولىندا ءتۇرلى رەداكسيالاردىڭ باسشىسى بولىپ، زەينەتكە «قازاقستان» كورپوراسياسىنىڭ ءتوراعاسىنىڭ ءبىرىنشى ورىنباسارى قىزمەتىنەن شىقتى. اعامىزدىڭ تۋىستارىنا، جاقىندارىنا قايعىرىپ كوڭىل ايتامىز!»، – دەپ جازدى ە.قارين.