ءبىر تۇتقىن ءولىم جازاسىنا كەسىلىپ، ءقازىر تۇرمەدە وتىر. وعان  كۇزەتشى ءومىر سۇرۋىنە ءبىر مۇمكىندىك بەردى.  تۇتقىن ءوز ءومىرىن ساقتاپ قالۋ ءۇشىن قاراپايىم ويىن ويناۋى كەرەك ەكەن.

كۇزەتشى تۇتقىنعا 50 قارا جانە 50 اق شار، سونىمەن بىرگە 2 بوس ىدىس بەرەدى. سوسىن ول «ساعان بەرىلگەن 100 شاردى 2 ىدىسقا ءبولىپ قوي. قالاي بولەم دەسەڭ دە ءوز ەركىڭ، تەك بارلىعىن ءبولۋىڭ كەرەك»، – دەيدى.

شارلاردى ەكى ىدىسقا ءبولىپ قويعان سوڭ كۇزەتشى تۇتقىننىڭ كوزىن بايلاپ، الدىنا ەكى ىدىستى الماستىرىپ  قويادى. سول كەزدە تۇتقىن ءبىر شاردى قولىنا الۋى كەرەك ەكەن. ەگەر قولىنا العان شار اق بولسا جازادان قۇتىلادى، ەگەر قولىنا تۇسكەن شار قارا ءتۇستى بولسا ومىرىمەن قوش ايتىسادى. ەندى تۇتقىن شارلاردى ەكى ىدىسقا قالاي بولسە، ءومىرىن ساقتاپ قالادى؟

جاۋابى: ءبىر اق شاردى ءبىر ىدىسقا، قالعان 49 اق پەن 50 قارا شاردى ەكىنشى ىدىسقا سالۋ كەرەك. سول كەزدە تۇتقىننىڭ قارا شاردى قولىنا الۋىنا 50% عانا مۇمكىندىگى بولادى.