بۇۇ باس حاتشىسى انتونيو گۋتەرريش بۇۇ قاۋىپسىزدىك كەڭەسىنە ميانماداعى زورلىق-زومبىلىقتى توقتاتۋدى ۇسىندى، دەپ جازادى Qamshy.kz اقپارات اگەنتتىگى.
گۋتەرريش ميانماداعى ەتنيكالىق ازشىلىقتى قۇرايتىن روحيندجا وكىلدەرىنە قارسى جاسالىپ جاتقان شابۋىلعا الاڭداۋىشىلىق ءبىلدىرىپ وتىرعانىن مالىمدەدى. باس حاتشى ميانما بيلىگىن راكحاين شتاتىنداعى مۇسىلمانداردىڭ دۇرىس ءومىر ءسۇرۋى ءۇشىن ولارعا ازاماتتىق نەمەسە باسقا دا قۇقىقتىق مارتەبە بەرۋگە شاقىردى.
جاقىندا قمدب ميانمادا ورىن العان قايعىلى وقيعاعا بايلانىستى قاتتى الاڭداۋشىلىق ءبىلدىرىپ، جەرگىلىكتى تۇرعىندارعا جاسالعان قاسىرەتتى قاتاڭ ايىپتايتىنىن جەتكىزگەن.
400-دەن استام ادامنىڭ ءومىرىن قىرشىننان قيعان قاسىرەتتى وقيعا الەمنىڭ ءار تۇكپىرىندەگى مۇسىلمان جۇرتىنىڭ عانا ەمەس بارشا ادامزاتتىڭ الاڭداۋشىلىعىن تۋدىرۋدا.
قمدب ەلىمىزدەگى بارشا حالىقتان ناقاقتان قۇربان بولعان، زورلىق، زومبىلىق كورگەن ادامدار ءۇشىن ءبىر اللادان دۇعا ەتۋدى سۇرادى.
