اقش پرەزيدەنتى دونالد ترامپ 2016 جىلى امەريكادا وتكەن پرەزيدەنتتىك سايلاۋعا رەسەيدىڭ قاتىسى جوق ەكەنىن تاعى قايتالاپ ايتتى.
«سىزدەرگە قىزىق بولسا، ايتايىن... رەسەي ماعان قولداۋ كورسەتكەن جوق، كومەكتەسپەدى دە... دەموكراتتارعا ءبىر تۇسىنىكتەمە بەرۋ كەرەك بولدى، سول سەبەپىت ولار رەسەيدى اتادى. بۇل جالعان اقپارات. مەن پەنسيلۆانيادان ورىستاردى بايقاعان جوقپىن»، - دەدى ترامپ الابامادا ايتقان مالىمدەمەسىندە.
FBR مەن كونگرەسس اقش-تا وتكەن سايلاۋعا رەسەيدىڭ قاتىسى بار-جوعىن انىقتاۋ ءۇشىن تەرگەۋ جۇمىستارىن باستاعان ەدى. سونداي-اق دونالد ترامپتىڭ رەسەيلىك كاسىپكەرلەر مەن شەنەۋنىكتەرمەن بايلانىسى دا انىقتالاتىن بولادى. ءوز كەزەگىندە ماسكەۋ دا اتالمىش ايىپتاۋلاردى جوققا شىعارعان.
