سكرينينگتىك تەكسەرۋ اۋرۋدىڭ باستاپقى كەزەڭىن دەر ۋاقىتىندا انىقتاۋعا ءارى اسقىندىرماۋعا جانە جۇيەلى ەم قابىلداۋعا مۇمكىندىك بەرەدى.

 وسى ورايدا باتىس قازاقستان وبلىستىق دەنساۋلىق ساقتاۋ باسقارما باسشىسىنىڭ ورىنباسارى نۇردانا بەركىنعاليدىڭ مالىمەتىنە سۇيەنسەك، قان اينالىم جۇيەسى اۋرۋلارى بويىنشا وڭىردەگى 40-64 جاس ارالىعىنداعى تۇرعىنداردىڭ 85،7%-ى، ءسۇت بەزى وبىرى بويىنشا 50-60 جاستاعى ايەلدەردىڭ 78،2%-ى، اسقازان جانە وڭەش وبىرى بويىنشا 50-70 جاس ارالىعىنداعى تۇرعىنداردىڭ 86،6%-ى، توق جانە تىك ىشەك وبىرى بويىنشا 50-70 جاستاعى تۇرعىنداردىڭ 79،8 %-ى، قانت ديابەتى اۋرۋى بويىنشا 40-60 جاستاعى تۇرعىنداردىڭ 86،8%-ى تەكسەرىستەن وتكەن. ال ءتورت جىل سايىن كەلەتىن سكرينينگتىك تەكسەرىستەن  قۋىقاستى بەزى وبىرى بويىنشا 50-66 جاس ارالىعىنداعى ەر ادامداردىڭ 99،2%-ى،  بەس جىلدا ءبىر وتەتىن تەكسەرىس جاتىر موينىنىڭ وبىرى بويىنشا 30-60 جاس ارالىعىنداعى ايەلدەردىڭ 76%-ى  وتكەن.  ال وبلىستىق ونكولوگيالىق ديسپانسەردە جىلىنا 50- دەن استام جوعارى مامانداندىرىلعان وتالار جاسالۋدا.  اتاپ وتسەك، اۋقىمدى گاسترەكتومياليمفوديسسەكسيا جانە اۋقىمدى 2-زونالىق  ليمفوديسسەكسيامەن وڭەشتىڭ سۋبتوتالدىق رەزەكسياسى،  جىڭىشكە ىشەكتىڭ ينتەرپوزيسياسى ينتراتوراكالدىق اناستوموز، راديكالدى پروستاتەكتوميا، راديكالدى سيستەكتوميا، ترانسارتەليالدىحيميوەمبوليزاسيا مەن پورت-جۇيەسى ورناتىلۋدا.  ال 2017 جىلدىڭ سوڭعى جەتى ايى بويىنشا وبلىستا  دۇنيە ەسىگىن اشقان نارەستەلەر مەن  17 جاس ارالىعىنداعى  بۇلدىرشىندەرىنىڭ 137 616-سىنا پروفيلاكتيكالىق تەكسەرىس جۇرگىزىلىپ، بارلىق بالالاردىڭ 85  %-ى قامتىلعان. ولاردىڭ 16،7%- نىڭ دەرتى انىقتالىپ، 11،7-ى ديسپانسەرلىك ەسەپكە الىنىپ، 72،3% -ى  ساۋىقتىرۋ ەمىن قابىلداعان.

سكرينيگتىك تەكسەرىس تەگىن مەديسينالىق كومەك كورسەتۋدىڭ كەپىلدەندىرىلگەن كولەمى تىزىمىنە كىرەدى جانە تىركەلگەن مەكەن جايى بويىنشا مەديسينالىق ۇيىمداردا جۇرگىزىلەدى. پروفيلاكتيكالىق جۇمىستاردى ساۋاتتى ۇيىمداستىرعان جاعدايدا ەرتە ساتىداعى اۋرۋلاردىڭ الدىن الۋعا بولادى. سوندىقتان ءوز دەنساۋلىعىن ۋايىمدايتىن ءار تۇرعىن سكرينينگتىك تەكسەرىستەن وتكەن ءجون.

گۇلىم اقاپ،

باتىس قازاقستان وبلىسى