جىل باسىندا قازاقستاندا اشىلعان «نۇرلى جەر» باعدارلاماسى يپوتەكالىق نارىقتىڭ قايتا جاندانۋىنا اسەر ەتكەن بىردەن-بىر فاكتور. 

وعان قوسا بيىل ۇلتتىق بانك بازالىق مولشەرلەمەنى 10،25% دەڭگەيىنە دەيىن ءتۇسىرىپ، بۇل ءوز كەزەگىندە ەكىنشى دەڭگەيلى بانكتەردىڭ نەسيە مەن دەپوزيت پايىزىنىڭ ازايۋىنا تۇرتكى بولدى.

ناتيجەسىندە، بيىل جىل باسىنان بەرگى جەتى ايدا ەلدەگى يپوتەكالىق نارىق 201 ملرد. تەڭگەگە جەتىپ، بىلتىرعى جىلدىڭ وسى ۋاقىتىمەن سالىستىرعاندا 62%-عا ءوستى.

بۇل وسىمگە سونىمەن قاتار قۇرىلىس كومپانياسىنان مەملەكەتتىك باعدارلاما بويىنشا سۋبسيديامەن 10%-دىق يپوتەكا راسىمدەۋ مۇمكىندىگى دە اسەر ەتىپ وتىر.

مامىر ايىنىڭ باسىنان بەرى قازاقستاننىڭ يپوتەكالىق كومپانياسى جالپى قۇنى 5،3 ملرد. تەڭگە بولاتىن سۋبسيديالانعان 525 يپوتەكالىق قارىزدى ماقۇلدادى.

قازىرگى تاڭدا اتالعان باعدارلاماعا «سەنتركرەديت بانكى» اق، «اتفبانكى» اق، «سبەربانك» اق ءۇب جانە «ۆتب باانكى» قاتىسادى. ال الداعى ۋاقىتتا بۇل تىزىمگە Bank RBK، نۇربانك، ءتۇرعىنۇيقۇرىلىسجيناق بانكى، «سەسنابانك» اق، KASSA NOVA BANK جانە Tengri Bank قوسىلادى دەپ كۇتىلۋدە. بۇل تۋرالى Naryk.kz حالىقارالىق ەكونوميكا اگەنتتىگى حابارلايدى، دەپ جازادى Qamshy.kz اقپارات اگەنتتىگى. 

ايتا كەتەيىك، قازىرگى تاڭدا بەرىلگەن يپوتەكانىڭ جالپى كولەمىنىڭ 80%-ى ءتۇقج بانكىنە تيەسىلى.

تومەندە قازىرگى تاڭدا قاي بانكتىڭ قانشا پايىزبەن يپوتەكا بەرەتىنى كورسەتىلگەن:

التىن بانكى — 16%، العاشقى تولەم 40%؛

الفا بانكى — 23%، العاشقى تولەم 30%؛

اتف بانكى — 14،7%، العاشقى تولەم 20%؛

ەۋرازيالىق بانك — 17%، العاشقى تولەم 30%؛

سەنتركرەديت بانكى — 17%، العاشقى تولەم 30%؛

ۆتب بانكى — 23، العاشقى تولەم 30%؛

ءتۇقج بانكى- 8،8%، العاشقى تولەم 40%؛

قازكوم — توقتاتىلعان؛

حالىق بانكى -17، العاشقى تولەم 20%؛

نۇربانك- 21،7%، العاشقى تولەم 35%؛

سبەربانك — 17،3%، العاشقى تولەم 30%؛

فورتەبانك — 20%، العاشقى تولەم 15%؛

سەسنا بانكى 24،4%، العاشقى تولەم 40%؛

ربك بانكى — 19%، العاشقى تولەم 30%؛

قازاق بانكى — 21،3%، العاشقى تولەم 30%.