1983 جىلدىڭ 26 قىركۇيەگىندە ءۇشىنشى دۇنيەجۇزىلىك سوعىس ءورتى تۇتانۋى ابدەن مۇمكىن ەدى. الايدا، كەزەكشى وفيسەر يادرولىق سوعىستىڭ الدىن الىپ، الەمدى ءۇشىنشى دۇنيەجۇزىلىك سوعىستان قۇتقارعان، دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساپ.

1983 جىلدىڭ 26 قىركۇيەگىندە ماسكەۋدەگى ەسكەرتۋ بولىمشەسىنىڭ بىرىنە اقش-تان راكەتا ۇشىرىلعانى جايلى حابار تۇسكەن. كەيىننەن كسرو اقش-قا قارسى سوققى جاساۋى كەرەك بولاتىن. ال، بۇل – ءۇشىنشى دۇنيەجۇزىلىك سوعىس – يادرولىق سوعىستىڭ باستاماسى ەدى.

ءۇشىنشى دۇنيەجۇزىلىك سوعىستىڭ الدىن العان – كەزەكشى وفيسەر ستانيسلاۆ پەتروۆ بولدى. دەرەكتەرگە سايكەس، ول اقش-قا قارسى شابۋىلدى ۇيىمداستىرۋى قاجەت بولعان. الايدا پەتروۆ ماسەلەنى باسقاشا شەشۋدى كوزدەدى، ول جۇيەدە ءبىر اقاۋ پايدا بولعاندىعىن ءتۇسىنىپ، اقش-تىڭ ەشقانداي دا راكەتالىق سوققى جاساماعاندىعىن مالىمدەگەن. ۇكىمەت كوممۋنيكاسيالارى ارقىلى پەتروۆ جالعان اقپارات جايىندا حابار بەرگەن. بەلگىلى بولعانداي، داچيكتەر كۇن ساۋلەسىنىڭ اسەرىنەن ىسكە قوسىلىپ كەتكەن ەكەن. بۇل وقيعانى مەملەكەت قۇپيا ساقتاۋدى ءجون كورىپ، ەلگە ايتپاعان.

1984 جىلى ستانيسلاۆ پەتروۆ وتستاۆكاعا شىعىپ، فريازينا قالاسىندا تۇرعان. سول ۋاقىتتاردا پەتروۆتىڭ جاعدايى ناشارلاپ، كۇن كورىسى تومەندەپ كەتكەن. ول جايىندا باتىس ەلدەرى 1990 جىلدىڭ سوڭىنا قاراي بىلە باستادى.

2006 جىلى بۇۇ-نا ونى «يادرولىق سوعىستى توقتاتقان ادام» دەپ اتاپ، 2013 جىلى ول قوماقتى قارجى كولەمىندە سىياقىعا يە بولدى. 1983 جىلى ورىن العان وقيعا جەلىسىمەن «الەمدى قۇتقارعان ادام» دەپ اتالاتىن فيلم ءتۇسىرىلدى.

ستانيسلاۆ پەتروۆ ادامدارمەن كوپ ارالاسپايتىن، كوپ سۇحباتتار بەرە بەرمەيتىن ادام بولعان. 2017 جىلدىڭ مامىر ايىندا ول فريازينا قالاسىندا كوز جۇمعان جانە ونىڭ ءولىمى ەلەۋسىز قالدى. تەك قىركۇيەك ايىندا عانا ونىڭ ءولىمى جايىندا نەمىس باسىلىمدارى حابارلاعان.