ورتالىق كوممۋنيكاسيالار قىزمەتىندە «كەدەن زاڭناماسىنداعى زاڭ بۇزۋشىلىق» تاقىرىبىندا باسپا ءسوز كونفەرەنسياسى ءوتتى. وعان ق ر قارجى ءمينيسترى باقىت سۇلتانوۆ، ق ر ينۆەستيسيالار جانە دامۋ ءمينيسترى جەڭىس قاسىمبەك، ق ر قارجى مينيسترىلىگى مەملەكەتتىك كىرىستەر كوميتەتىنىڭ ءتوراعاسى ارداق تەڭگەبايەۆ قاتىستى دەپ حابارلايدى Qamshy.kz اقپارات اگەنتتىگى.

قازاقستان بۇگىنگى كۇنى كەدەن وداعىنا مۇشە مەملەكەتتەردىڭ اۋماعىنان سياقتى ءۇشىنشى ەلدەردەن دە اكەلىنەتىن تاۋارلاردى وتكىزۋدىڭ ىشكى جانە شەكارا ماڭىن باقىلاۋدى جۇزەگە اسىرۋدىڭ جاڭا ساپالى دەڭگەيىنە شىقتى.

جانە مۇندا، بۇۇ يۋنكتاد-پەن بىرلەسىپ ىسكە اسىرىلعان كەدەندىك راسىمدەردى جاڭعىرتۋ بويىنشا جوبا ەلەۋلى كومەكتەسۋدە.  

جوبانىڭ شەڭبەرىندە 1 قازاننان باستاپ جاڭا «استانا-1» اقپاراتتىق پلاتفورمانىڭ «ترانزيت» كىشى جۇيەسىن تاجىريبەلى پايدالانۋعا قوسىلدى.

بۇل جۇيە كەدەندىك دەكلاراسيالاردى ەلەكتروندىق تۇردە تابىس ەتۋگە، سونداي-اق ءتيىمدى كەدەندىك باقىلاۋدى جۇزەگە اسىرۋعا مۇمكىندىك بەرەدى. بۇل رەتتە، اۆتوماتتاندىرىلعان تاۋەكەلدەردى باسقارۋ جۇيەسى كەدەندىك جانە اكىمشىلىك ىسكە اسىرۋ شارالارى بويىنشا شەشىمدەر قابىلداۋ كەزىندە ادامي فاكتوردى بولدىرمايدى جانە سىبايلاس جەمقورلىق كورىنىستەردى بارىنشا ازايتادى.

وسىلايشا، تەكسەرىپ قاراۋ ءىس-شارالارىن جۇرگىزۋ تۋرالى شەشىمدەردى قابىلداۋ تاۋەكەلدەر بەيىنى ىسكە قوسىلعان كەزدە جۇرگىزىلەدى.

بۇگىنگى كۇنى جاڭا اقپاراتتىق جۇيەدە 13 599 ترانزيتتىك دەكلاراسيا رەسىمدەلدى، بۇل رەتتە كوپ جاعدايلاردا تاۋەكەلدەردى باسقارۋ جۇيەسى قىرعىز رەسپۋبليكاسىنا ترانزيتتىك دەكلاراسيالار بويىنشا ىسكە قوسىلدى.

جالپى قازاقستان اۋماعى ارقىلى جۇڭگو حالىق رەسپۋبليكاسىنان قىرعىزستانعا تاۋارلار ءترانزيتىنىڭ كولەمىنە جۇرگىزىلگەن تالداۋ، مۇنداي تاسىمالداۋلاردىڭ كولەمى كۇرت ۇلعايعانىن كورسەتتى.

ماسەلەن، 2015 جىلى 4 526 كولىك قۇرالىن پايدالانا وتىرىپ، 130 مىڭ توننا تاۋارلار وتكىزىلگەن.

2016 جىلى قازاقستاننىڭ ترانزيتتىك ءدالىزى بويىنشا قىتايدان قىرعىزستانعا وتكىزىلگەن تاۋارلاردىڭ كولەمى 9 567 كولىك قۇرالىن پايدالانا وتىرىپ، 216 مىڭ توننانى قۇرادى. ياعني 67%-عا ءوسىم بولدى.

2017 جىلدىڭ 9 ايىندا تاۋارلاردىڭ كولەمى 7 315 كولىك قۇرالىن پايدالانا وتىرىپ، 160 مىڭ توننانى قۇرادى.

بۇل رەتتە، قازاقستان رەسپۋبليكاسىنا جۇڭگو تاۋارلارىنىڭ يمپورتى قىرعىزستان رەسپۋبليكاسىنا جىبەرىلگەن جۇڭگو تاۋارلارى ءترانزيتىنىڭ ءىس جۇزىندە تەپە-تەڭ ءوسۋى ءىس جۇزىندە قىسقاردى.سونداي-اق، كەدەندىك قۇننىڭ تومەندەلگەن. ماسەلەن، قازاقستان رەسپۋبليكاسى مەن قىرعىز رەسپۋبليكاسىندا كەدەندىك تازارتۋ كەزىندە قولدانىلاتىن تاۋارلاردىڭ كەدەندىك قۇنىنىڭ يندەكستەرىن سالىستىرعاندا، قىرعىز رەسپۋبليكاسىنىڭ كەدەن ورگاندارى قابىلدايتىن كەدەندىك قۇن قازاقستان رەسپۋبليكاسىنىڭ كەدەن ورگاندارى قابىلدايتىن كەدەندىك قۇننان ءىشىنارا تومەن ەكەنىن كورسەتتى. كەيبىر جاعدايلاردا اۋىتقۋلار قازاقستان رەسپۋبليكاسىندا مالىمدەلگەن كەدەندىك قۇننان ەكى جانە ودان دا كوپ ەسەنى قۇرايدى.

مۇنىڭ بارلىعى قازاقستان رەسپۋبليكاسىندا تاۋارلاردىڭ كەدەندىك قۇنىن بارىنشا قاتاڭ اكىمشىلەندىرۋمەن جانە قىرعىز رەسپۋبليكاسىنىڭ كەدەن ورگاندارى تاراپىنان تاۋارلاردى دۇرىس دەكلاراسيالاۋىنا جانە كەدەندىك قۇنعا باقىلاۋدىڭ جەتكىلىكسىزدىگىنە بايلانىستى.

سونداي-اق، قحر-دان قىرعىز رەسپۋبليكاسىنا وتكىزىلەتىن تاۋارلارعا مونيتورينگ جاساۋ شەڭبەرىندە كەدەندىك قۇننىڭ تومەن بولۋى عانا ەمەس، تاۋار-كولىك جۇكقۇجاتىندا تاۋارلاردىڭ ناقتى سالماعى مەن اتاۋىن مالىمدەمەي، تاۋارلاردىڭ اتاۋىن جانە ناقتى سالماعىن وزگەرتۋ تاعى سول سياقتى كونتراباندالىق جولمەن تاۋارلاردى اكەلۋ فاكتىلەرى انىقتالۋدا.

استانا-1 جۇيەسىن ىسكە قوسۋ ەاەو كەدەن زاڭناماسىنىڭ بۇزۋشىلىعىن، ونىڭ ىشىندە ەكونوميكالىق كونتراباندانى بارىنشا ءتيىمدى انىقتاۋعا جانە جولىن كەسۋگە مۇمكىندىك بەرەدى.

سونىمەن، استانا-1 جۇمىسىنىڭ العاشقى بىرنەشە كۇنىنىڭ ىشىندە قازاقستان-قىتاي شەكاراسىندا تەكسەرىپ-قارالعان كولىك قۇرالدارىنىڭ ۇشتەن ءبىرى دۇرىس دەكلاراسيالانباعان تاۋارلاردى اكەلگەن.