ءبىزدىڭ بالالارىمىز بەن نەمەرەلەرىمىز كەلەشەكتە قالاي ءومىر سۇرەتىنىن امەريكالىق پروفەسسور ميچيو كاكۋ بولجاپ بەردى.

سونىمەن، كاكۋ بىلاي دەيدى: 2030 جىلدارعا قاراي جاناسپالى لينزالاردىڭ جاڭا ءتۇرى پايدا بولادى،ولار عالامتورعا شىعا الاتىن مۇمكىندىككە يە بولادى. مۇنداي قۇرىلعى ءپروتوتيپىن ۆاشينگتون ۋنيۆەرسيتەتىنىڭ پروفەسسورى باباك پارۆيز جاساپ جاتىر. سونداي-اق ەركىن ساۋداعا ادام اعزاسىنىڭ ءار ءتۇرلى "قوسالقى بولشەكتەرى" شىعادى. بۇگىنگى تاڭدا ەڭ زاماناۋي بيوتەحنولوگيالار زەرتحانالىق جاعدايدا سىڭىرلەر، مۇرىن شەمىرشەكتەرىن، قۇلاق، قان تامىرلارىن، جۇرەك قاقپاقشالارىن، قۋىقتى ءوسىرىپ شىعارۋعا مۇمكىندىك بەرىپ وتىر. گۋبكا ءتارىزدى پلاستيك نەگىزگە ەمدەلۋشىنىڭ دنك تىرەك جاسۋشاسى “ەگىلەدى”، بىلايشا ايتقاندا، سەبىلەدى. بۇل جاسۋشالارعا كاتاليزاتور قوسىلعاندا ولار جىلدام ءوسىپ، كوبەيە باستايدى، وسىلايشا باسىندا ءتىرى ءتىن تالشىقتارى پايدا بولادى دا، سوسىن ناعىز مۇشەلەر پايدا بولادى.

20 جىلدان كەيىن قوعام تەلەپاتيا مۇمكىندىگىن كەڭىنەن قولدانادى دەگەن بولجام بار. ءقازىردىڭ وزىندە عالىمدار سال بولىپ قالعان ناۋقاستار ميىنا ارنايى ميكروسحەمالار ەنگىزە الادى، ونىڭ كومەگىمەن ناۋقاستار اقىل وي كۇشىمەن كومپيۋتەر قۇلاعىندا ويناپ، ەلەكتروندى حات جازىپ، ۆەب- براۋزەرلەردى پايدالانا الادى ەكەن. جاپوندىق حوندا كومپانياسى ناۋقاستار وي كومەگىمەن باسقارا الاتىن روبوتتار جاساۋدى مەڭگەرگەن.

2070 جىلعا قاراي عالىمدار فاۋنانىڭ كوپتەگەن وكىلدەرىنە قايتادان ءومىر سىيلاماق. جانۋار ولگەننەن كەيىن 25 جىلدان سوڭ الىنعان دنق بويىنشا عالىمدار ءدال وسى جانۋاردى برازيليادا كلونداي العان. نەاندەرتال ادامىنىڭ گەنومى ءقازىر تولىق زەرتتەلىپ بولدى. عىلىمي ورتادا بۇل ادامدى ءتىرىلتۋ مۇمكىن ەكەنى ءجيى ايتىلىپ ءجۇر. زەرتتەۋشىلەرگە مۇنىڭ نە كەرەگى بار ەكەنى بەلگىسىز، ءبىراق ادامنىڭ قىزىعۋشىلىعى شىنىمەن دە شەكسىز بولادى ەكەن.

قارتايۋدى توقتاتاتىن تاجىريبەلەر دە جاسالىپ جاتىر. ءومىردى 30% - عا ۇزارتۋ ءۇشىن كالوريا مولشەرىن 30%-عا ازايتۋ جەتكىلىكتى ەكەن. بولاشاقتا ءومىردى بۇدان باسقا دا تەحنولوگيالىق تاسىلدەرمەن ۇزارتۋ مۇمكىندىگى پايدا بولادى....

شامامەن 100 جىلدان كەيىن ادامزات قاتەرلى ىسىكتى تولىقتاي جەڭەدى دەپ كۇتىلۋدە. ەرتە ساتىسىندا انىقتالسا، اعزاعا "تازالاۋشى" اتتى نانو-كومپيۋتەرلەر ەنگىزىلەدى، ول اعزانى وبىر جاسۋشالارىنان تازارتاتىن بولادى.

اۋدارعان: توعجان قاھاربەك