ءوز باسەكەلەستەرىڭىزدى زەرتتەڭىز. بيلل گەيتستىڭ ءار جۇمىس كۇنى باسەكەلەس كومپانيالاردىڭ ۆەب-رەسۋرستارىن قاراۋدان باستالعان. 

شەشىم قابىلداۋدا باتىل بولىڭىز. ەڭ الدىمەن جاعىمسىز جاڭالىقتاردى، سودان كەيىن عانا جاقسى جاڭالىقتاردى بىلۋگە تىرىسىڭىز. گەيتس جاقسى مەنەدجەردىڭ ەڭ باستى قاسيەتى جاعىمسىز جاڭالىقتاردى سالقىنقاندىلىقپەن قابىلداي ءبىلۋ دەيدى. سەبەبى وسىلاي جاساعاندا عانا كەز كەلگەن پروبلەما جىلدام ءارى وڭىنان شەشىلەدى.

بولاشاق – عالامتوردا. سوعان دەن قويىڭىز. گەيتس الەمدە ەكى ءتۇرلى كومپانيالار عانا بولاتىن كۇن الىس ەمەس دەيدى. ءبىرى – عالامتورداعىلار، ەكىنشىسى – ءوز كاسىبىن اياقتاعاندار.

جەتىستىككە اسا ءمان بەرمەڭىز. ول الدامشى. بەلگىلى ءبىر ماقساتقا قول جەتكىزگەننەن كەيىن جاڭا بەلەستەردى باعىندىرۋعا كىرىسىڭىز. قول قۋسىرىپ وتىرماڭىز. باسەكەلەستەرىڭىزدىڭ قيمىل ۇستىندە ەكەنىن ەستەن شىعارماڭىز.

ۇجىمدى دامىتۋ ءۇشىن بارلىق جاعدايدى جاساڭىز. باسشى قول استىنداعى قىزمەتكەرلەر ءۇشىن جاعداي جاساۋى قاجەت.

بۇگىن جاساۋعا بولاتىن ءىستى ەرتەڭگە قالدىرماڭىز. بيلل گەيتس: «ەگەر جۇمىستا ءبىر نارسە كوڭىلىڭىزدەن شىقپاسا، ءوز ءىسىڭىزدى اشىڭىز. مەن بيزنەسىمدى گاراجدا باستادىم. ۋاقىتتى تەك وزىڭىزگە قىزىقتى ىسكە جۇمساۋ قاجەت»-دەيدى.

ءوزىڭىزدىڭ ورتاڭىزدى وزگەرتىڭىز. الەم بيلل گەيتستى بەكەردەن بەكەر كرەاتيۆتى ادام سانامايدى. ول جىلىنا بىرنەشە مارتە ۇيرەنشىكتى ورتادان اجىراپ، سانانى سەرگىتۋ كەرەك دەيدى. سوندا ماسەلەلەر مەن مىندەتتەردىڭ شەشىمى تابىلادى.

ءوز شەشىمدەرىڭىزدىڭ دۇرىستىعىنا كۇماندانباڭىز. ءوز ىس-ارەكەتىڭىزگە سىني كوزبەن قاراڭىز. وز-وزىڭىزگە سىرتتاي باعا بەرىڭىز جانە اسىعىس شەشىم قابىلداماڭىز.

جاڭا تەحنولوگيالاردى پايدالانىپ، يننوۆاسيالاردى تاڭداڭىز.

توبىرعا ەرمەڭىز. ولار دۇرىس باعىتتا جۇرمەۋى مۇمكىن. ءاردايىم ءوزىڭىزدىڭ دامۋ جولىڭىزدى تاڭداڭىز.