«قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋسيالىق زاڭىنىڭ 101-بابى 4-تارماعىنا سايكەس 2017 جىلعى 29 قازاندا رەسپۋبليكانىڭ 15 وڭىرىندە 105 سايلاۋ وكرۋگىندە ءماسليحاتتاردىڭ شىعىپ قالعان دەپۋتاتتارىنىڭ ورنىنا سايلاۋ ءوتتى دەپ حابارلايدى Qamshy.kz اقپارات اگەنتتىگى.

سايلاۋ ناۋقانى بارىسىندا دەپۋتاتتىق مانداتتارعا ۇمىتكەر رەتىندە بارلىعى 370 ازامات ۇسىنىلدى.

بارلىق قاجەتتى راسىمدەر وتكىزىلگەننەن كەيىن وكرۋگتىك سايلاۋ كوميسسيالارى وبلىستىق، قالالىق، اۋداندىق ءماسليحاتتار دەپۋتاتتىعىنا 335 كانديداتتى تىركەدى.

دەپۋتاتتىققا تىركەلگەن كانديداتتاردىڭ دەكلاراسياداعى كۇماندى مالىمەتتەرىنە بايلانىستى 14 ادام تىركەۋدەن الىنىپ تاستالدى.

تىركەۋ راسىمىنەن كەيىن ءماسليحات دەپۋتاتتىعىنا 23 كانديدات ءوز ءوتىنىشى بويىنشا كانديداتۋرالارىن الىپ تاستادى.

29 قازاندا سايلاۋ بيۋللەتەندەرىنە ءماسليحاتتار دەپۋتاتتىعىنا 298 كانديداتتىڭ تەگى ەنگىزىلدى.

ورتاشا باسەكەلەستىك ءبىر دەپۋتاتتىق مانداتقا 2،84 كانديداتتى قۇرادى.

داۋىس بەرۋ 612 سايلاۋ ۋچاسكەسىندە ءوتتى.

اۋماقتىق سايلاۋ كوميسسيالارىنىڭ الدىن الا دەرەكتەرى بويىنشا سايلاۋشىلار تىزىمدەرىنە بارلىعى 722 709 سايلاۋشى ەنگىزىلدى.

سايلاۋ بيۋللەتەندەرىن العان سايلاۋشىلاردىڭ سانى - 519 139 ادام. وسىلايشا، قوسىمشا سايلاۋعا كەلۋ 71،8 %-دى قۇرادى.

داۋىس بەرۋ بارىسىن كانديداتتاردىڭ سەنىم بىلدىرگەن ادامدارى، ساياسي پارتيالاردى، قوعامدىق بىرلەستىكتەردىڭ وكىلدەرى، جالپى سانى 1609 بايقاۋشى جانە باق-تىڭ 133 وكىلى بايقادى.

رەسپۋبليكا بويىنشا بارلىعى وبلىستىق ءماسليحاتتاردىڭ 22 دەپۋتاتى، قالالىق ءماسليحاتتاردىڭ 19 دەپۋتاتى جانە اۋداندىق ءماسليحاتتاردىڭ 64 دەپۋتاتى سايلاندى.

         سايلانعان ءماسليحاتتار دەپۋتاتتارىنىڭ 102ء-سى «نۇر وتان» پارتياسىنىڭ، 1-ەۋى «اۋىل» پارتياسىنىڭ، 1-ەۋى قحكپ پارتياسىنىڭ مۇشەلەرى، 1- ەۋى پارتيادا جوق.

         سايلانعان ءماسليحاتتار دەپۋتاتتارىنىڭ قۇرامىندا 82 (78،1 %) ەر ادام جانە 23 (21،9 %) ايەل ادام. ايەل دەپۋتاتتاردىڭ كوپشىلىك سانى قوستاناي وبلىسىندا (6 دەپۋتات) سايلانعان. اقمولا، جامبىل وبلىستارىندا ايەلدەر ءماسليحاتتار دەپۋتاتتىعىنا ۇسىنىلماعان.

          سايلانعان ءماسليحاتتار دەپۋتاتتارىنىڭ ورتاشا جاسى 43،9؛

ونىڭ ىشىندە:

وبلىستىق ءماسليحاتتاردا – 48 جاس؛

قالالىق ءماسليحاتتاردا – 43،2 جاس؛

اۋداندىق ءماسليحاتتاردا – 40،6جاس.

          ءماسليحاتتىڭ ەڭ جاس دەپۋتاتى 24 جاستا. ول الماتى وبلىسى، ەسكەلدى اۋداندىق ءماسليحاتىنىڭ دەپۋتاتى بولىپ سايلاندى.

          بىلىمدەرى بويىنشا دەپۋتاتتاردىڭ كوپشىلىگى دارىگەرلەر، ينجەنەرلەر، ەكونوميستەر، مۇعالىمدەر، جۇمىس توپتارى بويىنشا – مەملەكەتتىك مەكەمەلەردىڭ، كوممەرسيالىق قۇرىلىمداردىڭ، ساياسي پارتيالاردىڭ جانە ۇەۇ (ۇكىمەتتىك ەمەس ۇيىمداردىڭ) قىزمەتكەرلەرى.

          «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋسيالىق زاڭىنىڭ 111-بابىنا سايكەس ءماسليحاتتاردىڭ شىعىپ قالعان دەپۋتاتتارىنىڭ ورنىنا سايلاۋ قورىتىندىلارىن ءتيىستى اۋماقتىق سايلاۋ كوميسسيالارى سايلاۋ وتكىزىلگەن كۇننەن باستاپ بەس كۇن مەرزىمنەن كەشىكتىرمەي انىقتايدى.