جاتتىعۋ كەزىندە جۇلىنىپ كەتكەن ۇشاق ەسىگى  يندياداعى تۇرعىن ۇيگە قۇلاپ تۇسكەن. Times of India باسىلىمىنىڭ مالىمەتىنشە، اتالمىش وقيعا سالدارىنان ەشكىم زارداپ شەكپەگەن. بۇل تۋرالى Qamshy.kz اقپارات اگەنتتىگى جازادى.

Diamond DA42 اتتى جەرگىلىكتى اۆياسيالىق اكادەمياسى تەلانگانداعى سەكۋندەراباد شتاتىندا  750 مەتر شاماسىنداعى بيىكتىكتە جاتتىعۋ جۇمىستارىن جۇرگىزىپ جاتقان. وسى كەزدە ۇشاق قاتتى دىرىلدەپ، ەسىگى جۇلىنىپ كەتكەن. ءبىراق ۇشقىشتار ونى دەر كەزىندە جەرگە قوندىرىپ ۇلگەرگەن.

«بۇل ءبىر جارىلىس سياقتى بولدى. بارلىعىمىز جان ۇشىرا ارپالىسقا تۇستىك. سىرتقا شىعا سالىسىمەن كورشىمىز ۇشاقتان بىردەڭە قۇلاپ كەتكەندىگىن ايتتى»، - دەدى ۇشاق ەسىگى تۇسكەن ءۇيدىڭ يەسى. دەگەنمەن، سىرتتا ەشكىم بولماعاندىقتان، ءبارى امان. 

وسىدان ءبىراز بۇرىن iz.ru سايتى رەسەيدەن كەلگەن تۋريست يندياداعى حيماچال-پرادەش دەگەن جەردە ۇشاق اپاتىنان قازا بولعاندىعى تۋرالى حابارلاعان بولاتىن.