«تۇركىتىلدەس جۋرناليستەر قورى» قق «حالىق بانكى» اق مەن «قازكوممەرسبانك» اق-نىڭ قارجىلاي دەمەۋشىلىگىمەن، قازاق تىلىندە جازاتىن جۋرناليستەر اراسىندا «ەركىن ءسوز» شىعارماشىلىق بايقاۋىن وتكىزەدى، دەپ جازادى Qamshy.kz اقپارات اگەنتتىگى. بۇل تۋرالى تۇركى تىلدەس جۋرناليستەر قورىنىڭ باسپا ءسوز قىزمەتى حابارلادى.
16 جەلتوقسان تاۋەلسىزدىك كۇنى مەن قارجىگەرلەر كۇنى قارساڭىندا ۇيىمداستىرىلاتىن بايقاۋدىڭ شارتى بويىنشا 2017 جىلدىڭ 09 قازانى مەن 27 قاراشاسى ارالىعىندا رەسپۋبليكالىق جانە ايماقتىق بۇقارالىق اقپارات قۇرالدارىندا قارجى سالاسىنا قاتىستى جاريالانعان ماتەريالدار قابىلدانادى. بايقاۋدىڭ ۇيىمداستىرۋ كەڭەسى بەكىتكەن قازىلار القاسى تۇسكەن ماتەريالداردى ىرىكتەپ، «ۇزدىك تەلەسيۋجەت»، «ۇزدىك ماقالا»، «ۇزدىك راديوحابار»، «ۇزدىك سايت ماقالاسى»، «ۇزدىك فوتورەپورتاج»، «ۇزدىك شىعارماشىلىق توپ» اتالاتىن 6 نوميناسيا بويىنشا جەڭىمپازداردى انىقتايدى. ماراپاتتاۋ سالتاناتىنجا جەڭىسكە جەتكەن جۋرناليستەرگە قارجىلاي سىياقى مەن ديپلومدار تاپسىرىلادى.
«ەركىن ءسوز» شىعارماشىلىق بايقاۋىنىڭ ەرەجەسى
1. جالپى ەرەجەلەر
1. «ەركىن ءسوز» جۋرناليستەر اراسىندا وتەتىن بايقاۋى (بۇدان ءارى – بايقاۋ) جۋرناليستەردىڭ شىعارماشىلىق الەۋەتىن اشۋ جانە جۋرناليستەر قاۋىمىن ىنتالاندىرۋ ماقساتىندا وتەدى.
2. بايقاۋدىڭ مىندەتتەرى:
ا) قازاق جۋرناليستەرىنىڭ كاسىبي بىلىكتىلىگىن كوتەرۋ؛
ءا) جاس جۋرناليستەردى ىنتالاندىرۋ؛
3. سىيلىقتاردى تاعايىنداۋ جانە ديپلومدار مەن باعالى سىيلىقتاردى تاپسىرۋ تاۋەلسىزدىك كۇنى مەن قارجىگەرلەر كۇنىمەن ساباقتاستىرىلادى.
4. جەڭىمپازداردى ايقىنداۋ جانە سىيلىقتاردى تاعايىنداۋ بايقاۋ كوميسسياسىنىڭ (قازىلار القاسىنىڭ ) شەشىمىمەن جۇزەگە اسىرىلادى.
5. بايقاۋ كوميسسياسىنىڭ قۇرامىنا بەلگىلى جۋرناليستەر، مەملەكەتتىك جانە قوعام قايراتكەرلەرى، ۇكىمەتتىك ەمەس ۇيىمداردىڭ وكىلدەرى مۇشە بولادى.6. بايقاۋ كوميسسياسى بايقاۋ جەڭىمپازدارىن ىرىكتەۋ بارىسىندا مىنا شارتتاردى باسشىلىققا الادى:
Ø ماتەريالداردىڭ وبەكتيۆتىلىگى؛
Ø كاسىبي شەبەرلىگى؛
Ø قوعامداعى تۇيتكىلدەردىڭ ايقىندالۋى جانە جان-جاقتى اشىپ كورسەتۋ؛
Ø ماتەريالدار تۋعىزعان قوعامدىق رەزونانس.
7. بايقاۋدى وتكىزۋدى ۇيلەستىرۋ.
بايقاۋدى وتكىزۋ جۇمىسىن ۇيلەستىرۋ «تۇركىتىلدەس جۋرناليستەر قورى» قق پرەزيدەنتى بەكىتەتىن بايقاۋدىڭ ۇيىمداستىرۋ كوميتەتىنە (بۇدان ءارى – ۇيىمداستىرۋ كوميتەتى) جۇكتەلەدى.
8. اشىقتىق.
وسى ەرەجە بايقاۋعا قاتىسۋعا ۇمىتكەر، قىزىعۋشىلىق تانىتۋشى تۇلعالاردىڭ بارلىعىنا تانىسۋ ءۇشىن ۇسىنىلادى. ەرەجە باق-تا جاريالانادى.
9. جەڭىمپازدار كەلەسى بايقاۋعا 2 جىلدان كەيىن عانا قاتىسۋعا قۇقىلى.
- بايقاۋعا قاتىسۋ شارتتارى
10. بايقاۋعا قاتىسۋشىلار.
بايقاۋعا قاتىسۋعا بارلىق ب ا ق جۋرناليستەرى شاقىرىلادى.
11. ۇسىنىلاتىن جۇمىستاردىڭ تاقىرىبى.
بايقاۋعا قاتىسۋعا قارجىلىق (قازاقستان تاۋەلسىزدىك العالى بەرى 26 جىلدا قارجى سالاسىندا قول جەتكىزگەن جەتىستىكتەرى، قارجىلىق ساياسات، ۇلتتىق ۆاليۋتا، بانك قىزمەتى ) تاقىرىپتاعى ماتەريال قابىلدانادى.
2017 جىلدىڭ 9 قازانىنان 2017 جىلدىڭ 27 قاراشا ارالىعىندا جاريالانعان نەمەسە ەفيرگە شىققان ماتەريالدار، سونداي-اق جاريالانىمدار مەن باعدارلامالار سيكلدەرى ءتۇرلى جانرلاردا (وچەرك، سۇحبات، ماقالا، تەليەۆيزيالىق جانە راديو باعدارلامالار، جۋرناليستىك زەرتتەۋلەر جانە باسقالارى) قابىلدانادى.
12. بايقاۋعا ۇسىنىلاتىن ماتەريالدارعا قويىلاتىن تالاپتار.
جاريالانىمدار ءتۇپنۇسقا نەمەسە ماتەريالداردىڭ كسەروكوشىرمەسى تۇرىندە (باسىلىمنىڭ اتاۋى، كۇنى جانە اۆتورمەن بايلانىس جاساۋ مالىمەتتەرى تولىق كورسەتىلە وتىرىپ) ۇسىنىلۋى ءتيىس.
دىبىستىق-ۆيزۋالدى جۇمىستار ەفيرلىك انىقتامامەن بىرگە تەليەۆيزيالىق باعدارلامانىڭ كوشىرمەسى تۇرىندە (cd/dvd ديسكىلەرىندە، flash-تاسىمالداۋشىلارىندا) ۇسىنىلۋى ءتيىس.
ەلەكتروندىق ب ا ق جۋرناليستەرى جاريالانعان ماتەريالداردىڭ كوشىرمەسىن ينتەرنەت-سايتتا ورنالاستىرىلعانىن راستاپ جولداۋى قاجەت.
ماتەريالدار قازاقستان رەسپۋبليكاسىنىڭ مەملەكەتتىك تىلىندە قابىلدانادى. بايقاۋعا ماتەريالداردى قابىلداۋدىڭ سوڭعى كۇنى – 2017 جىلدىڭ 27 قاراشاسى، ساعات 18:00.
ۇسىنىلاتىن ماتەريالدارعا مىنالار قوسا بەرىلەدى: جۋرناليست تۋرالى قىسقاشا ءومىرباياندىق اقپارات، ءجۋرناليستىڭ 3ح4 سم. مولشەرىندەگى فوتوسۋرەتى، اقپاراتتىق ماتەريالدار ءتىزىمى.
13. بايقاۋعا ۇسىنىلاتىن جۇمىستاردىڭ سانى.
ءبىر جۋرناليست ۇسىناتىن ماتەريالداردىڭ سانى 1-دەن اسپايدى.
14. جۇمىستار بايقاۋدىڭ ۇيىمداستىرۋ كوميتەتىنە حابارلاندىرۋدا كورسەتىلگەن مەرزىمنەن كەشىكتىرىلمەي ۇسىنىلادى. بايقاۋ تاقىرىبىنا سايكەس ەمەس جانە تالاپتارعا ساي كەلمەيتىن ماتەريالدار، ۇسىنۋ مەرزىمى اياقتالعاننان كەيىن كەلىپ تۇسكەن جۇمىستار بايقاۋعا جىبەرىلمەيدى. بايقاۋعا ۇسىنىلعان ماتەريالدار قايتارىلىپ بەرىلمەيدى.
3. بايقاۋدىڭ ءوتۋ كەزەڭدەرى
15. العاشقى كەزەڭ.
ب ا ق بايقاۋدى وتكىزۋ تۋرالى جانە وعان قاتىسۋ شارتتارى تۋرالى حابارلاندىرۋ جاريالانادى.
16. بايقاۋدى وتكىزۋدىڭ نەگىزگى كەزەڭى.
بايقاۋ ماتەريالدارى بايقاۋدىڭ ۇيىمداستىرۋ كوميتەتىنىڭ مەكەن-جايىنا 2017 جىلدىڭ 27 قاراشاعا دەيىن كەلىپ تۇسەدى. بايقاۋعا بەرىلگەن وتىنىشتەردى قاراۋدىڭ رەگلامەنتىن بايقاۋ كوميسسياسى بەلگىلەيدى. بايقاۋ كوميسسياسى ءوز جۇمىسىنىڭ ناتيجەسى بويىنشا بايقاۋ لاۋرەاتتارىن ايقىندايدى.
17. قورىتىندىلاۋ.
جەڭىمپازداردى جاريالاۋ كەلەسى نوميناسيالار بويىنشا بايقاۋدى جالپى قورىتىندىلاۋ اياسىندا ىسكە اسىرىلادى:
1. ۇزدىك ۆيدەوسيۋجەت (تەليەۆيدەنيە)؛
2. ۇزدىك راديوحابار (راديو)؛
3. ۇزدىك ماقالا (گازەت)؛
4. ۇزدىك شىعارماشىلىق توپ؛
5. سايتتاعى ۇزدىك ماقالا؛
6. ۇزدىك فوتورەپورتاج؛
18. جەڭىمپازداردى ماراپاتتاۋ.
4. بايقاۋ ماتەريالدارىن باعالاۋ جانە ىرىكتەۋ پروسەدۋراسى
19. بايقاۋ ماتەريالدارىن باعالاۋ بارىسىندا كەلەسى شارتتار نازارعا الىنادى: بەلگىلەنگەن تاقىرىپقا سايكەستىك؛ جاڭاشىلدىق؛ ماسەلەنى تالداۋدىڭ تەرەڭدىگى؛ ناقتىلىق پەن لوگيكالىق نەگىزدەلۋى؛ مازمۇنداۋ ءستيلى مەن ءتىلى، تەحنيكالىق ساپاسى؛ اۆتورلىق تۇجىرىمدامانىڭ دەربەستىگى؛ جاريالانىمدا نەمەسە دىبىستىق-ۆيزۋالدىق جۇمىستا مازمۇندالعان اقپاراتتىڭ ناقتىلىعى مەن شىنايىلىعى؛ جۋرناليستيكانىڭ ەتيكالىق پرينسيپتەرىنە سايكەستىگى؛ سىرتقى بەزەندىرىلۋى.
5. ۇيىمداستىرۋ كوميتەتىنىڭ قۇقىقتارى مەن مىندەتتەرى
20. ۇيىمداستىرۋ كوميتەتى:
Ø بايقاۋ تۋرالى وسى ەرەجەنىڭ تالاپتارىنا سايكەسسىزدىكتەردى نەگىزگە الا وتىرىپ، ۇمىتكەردى بايقاۋعا قابىلداماۋعا؛
Ø قانداي دا ءبىر ۇمىتكەرگە قاتىستى بايقاۋ كوميسسياسىنىڭ مۇشەسى ءوز وكىلەتتىكتەرىن اسىرا پايدالانعانى انىقتالعان كەزەڭدە بايقاۋ قورىتىندىلارىن جوققا شىعارۋعا قۇقىلى.
21. ۇيىمداستىرۋ كوميتەتىنىڭ مىندەتتەرى:
Ø بارلىق قاتىسۋشىلار ءۇشىن تەڭ جاعداي جاساۋ؛
Ø بايقاۋدى وتكىزۋدىڭ جاريالىلىعىن قامتاماسىز ەتۋ؛
Ø بايقاۋدىڭ ناتيجەلەرى تۋرالى مالىمەتتەردىڭ ۋاقىتىنان بۇرىن جاريا ەتىلۋىنە جول بەرمەۋ.
6. بايقاۋ كوميسسياسىنىڭ قۇقىقتارى مەن مىندەتتەرى
22. بايقاۋ كوميسسياسى مىنالاردى ىسكە اسىرۋعا قۇقىلى:
Ø بايقاۋعا تۇسكەن ماتەريالدارعا باعا بەرۋ؛
Ø جەڭىمپازدارعا سىيلىقتار تاعايىنداي وتىرىپ، بايقاۋدى قورىتىندىلاۋ.
23. بايقاۋ كوميسسياسىنىڭ مىندەتتەرى:
Ø بارلىق قاتىسۋشىلار ءۇشىن تەڭ جاعداي جاساۋ؛
Ø بايقاۋدىڭ ناتيجەلەرى تۋرالى مالىمەتتەردىڭ ۋاقىتىنان بۇرىن جاريا ەتىلۋىنە جول بەرمەۋ.
بايقاۋ كوميسسياسى مۇشەسىنىڭ بايقاۋعا قاتىسۋىنا جول بەرىلمەيدى.
7. قاتىسۋشىلاردىڭ قۇقىقتارى، مىندەتتەرى مەن جاۋاپكەرشىلىگى
24. بايقاۋعا قاتىسۋشىلار مىنالاردى ىسكە اسىرۋعا قۇقىلى:
Ø بايقاۋدىڭ ءوتۋ شارتتارى مەن ءتارتىبى تۋرالى اقپاراتتار الۋ؛
Ø ۇيىمداستىرۋ كوميتەتىنەن وسى ەرەجەنىڭ تارماقتارىنا ءتۇسىندىرۋدى سۇراۋ؛
Ø بايقاۋعا قاتىسۋ ءۇشىن ماتەريالدار جولداۋ.
25. بايقاۋعا قاتىسۋشىلاردىڭ مىندەتتەرى:
Ø بايقاۋدىڭ مان-جايىمەن الدىن-الا تانىسۋ، بايقاۋعا قاتىسۋ ءۇشىن قويىلاتىن تالاپتاردى زەرتتەۋ؛
Ø وسى ەرەجەنىڭ تالاپتارىنا سايكەس راسىمدەلگەن ماتەريالداردى ۋاقىتىلى ۇسىنۋ؛
Ø وسى ەرەجەدە قاراستىرىلعان ەرەجەلەر مەن پروسەدۋرالاردى ساقتاۋ.
26. بايقاۋعا قاتىسۋشىلار كەلەسىلەر ءۇشىن جاۋاپتى:
Ø ماتەريالدار مەن تۇيىندەمەدە كورسەتىلگەن اقپاراتتاردىڭ شىنايىلىعىنا قويىلاتىن تالاپتاردى بۇزعانى ءۇشىن؛
Ø وسى ەرەجەدە بەلگىلەنگەن شارتتاردى، ەرەجەلەر مەن پروسەدۋرالاردى ساقتاماعانى ءۇشىن.
8. مەديا رەسۋرستار
بايقاۋعا اقپاراتتىق قولداۋ جاساۋدى اقپاراتتىق سەرىكتەستىكتەر قامتاماسىز ەتەدى.
9. ۇيىمداستىرۋشى تۋرالى بايلانىس اقپاراتى
بايقاۋدىڭ ۇيىمداستىرۋ كوميتەتى: «تۇركىتىلدەس جۋرناليستەر قورى» قق.
مەكەن-جايى: الماتى قالاسى، 050008، جاروكوۆ كوشەمى، 39ا. بايلانىس تەلەفونى: + 7 778 878 34 08؛ ەلەكتروندى پوشتا: erkinsoz2017@gmail.com
