ماماندار مەديسينالىق ساقتاندىرۋ ءپوليسى بويىنشا مەديسينالىق كومەككە ءوتىنىش بەرۋ تۋرالى ستاتيستيكانى تالداپ، قازاقستاندىق ەمدەلۋشىلەرگە قويىلعان دياگنوزدىڭ تۋعان ايلارىنا بايلانىستى ەكەنىن انىقتادى. بۇل تۋرالى «Kompetenz» سك مالىمدەدى، دەپ حابارلايدى Qamshy.kz اقپارات اگەنتتىگى.

زەرتتەۋ بارىسىندا قىس مەزگىلىندە، ياعني قاڭتار مەن اقپاندا دۇنيەگە كەلگەن ايەلدەردىڭ حولەستيرين دەڭگەيى جوعارى بولادى، وكپە فۋنكسياسىنىڭ تومەندەۋى مەن جۇرەك-قان تامىرلارى اۋرۋىنا ءجيى شالدىعادى.

ال وسى ايلاردا دۇنيەگە كەلگەن ەر ادامدار قالقانشا بەزى اۋرۋلارىنا قىركۇيەكتە تۋعاندارعا قاراعاندا كوبىرەك شالدىعادى.

اقپاندا تۋعان قازاقستاندىقتار كوبىنە وكپە اۋرۋلارىنا شالدىعىپ جاتادى. ولارعا پنيەۆومانيا نەمەسە وكپەنىڭ قابىنۋى دياگنوزدارىن قويادى.

جاز ايلارىندا – تامىز بەن شىلدەدە دۇنيەگە كەگەن قازاقستاندىقتاردىڭ كەيبىرى عانا جۇرەك-قان تامىرلارى اۋرۋلارىنا شالدىققان. بۇل ايدا تۋعاندار كوبىنە كەز كەلگەن اۋرۋعا توتەپ بەرە الاتىن جاندار. ەسەسىنە جانۋارلار، وسىمدىكتەر مەن كەيبىر ازىق-تۇلىك ونىمدەرى وسى ايدا دۇنيەگە كەلگەندەردىڭ اللەرگياسىن تۋدىرۋى مۇمكىن.

قىركۇيەكتە تۋعاندار كوبىنە اسقازان-ىشەككە بايلانىستى اۋرۋلارعا تاپ بولىپ جاتادى. ولارعا تۇراقتى تۇردە گاستريت، حولەسيستيت، پانكرەاتيت جانە اسقازان اۋرۋلارى دياگنوزدارىن قويادى.

كوكتەمدە دۇنيەگە كەلگەن قازاقستاندىقتار نيەۆروپوتولگقا ءجيى قارالادى. زەرتتەۋ ناتيجەسىنە سايكەس، ولارعا ميدىڭ قان تامىرلارىنىڭ اينالىمى بۇزىلعاندىقتان سەرەبروۆاسكۋليارلىق اۋرۋ دياگنوزىن قويادى.