رۋدنىي بالالار ءۇيىنىڭ تاربيەلەنۋشىسىن مەملەكەت باسشىسىمەن كەزدەستىرۋ ءۇشىن جاڭادان اشىلعان Kostanay Plaza ساۋدا ۇيىنە اكەلدى. وقيعا 8 قاراشادا ەلباسىنىڭ قوستاناي وبلىسىنا ءىس ساپارى بارىسىندا ورىن العان، دەپ جازادى Qamshy.kz اقپارات اگەنتتىگى.
«قۇرمەتتى نۇرسۇلتان ءابىش ۇلى، مەن سىزبەن كەزدەسكەنىمە قاتتى قۋانىشتىمىن، - دەدى 7 جاستاعى كوليا دەنيسوۆ. – مەن كۇرەسپەن اينالىسامىن، تەننيسكە قاتىسامىن جانە قازاقستاننىڭ بولاشاق پرەزيدەنتى بولعىم كەلەدى. ءسىز سەكىلدى بولۋ ءۇشىن نە ىستەۋىم كەرەك؟»
«قازاقستاننىڭ بولاشاق پرەزيدەنتى كىم بولادى ەكەن دەپ جۇرسەم، ءدال الدىمدا تۇر ەكەن عوي! – دەدى ەلباسى بالانىڭ باسىنان سيپاپ. – بۇل بالا – دايىن پرەزيدەنت!
13 قاراشادا «ناشا گازەتا» باسپاسىنىڭ تىلشىلەرى كوليا دەنيسوۆپەن كەزدەسىپ، ونىڭ پرەزيدەنتپەن سويلەسكەندەگى سەزىمىن، اسەرىن ءبىلىپ قايتتى. سونداي-اق نە سەبەپتى پرەزيدەنت بولعىسى كەلەتىنىن سۇراعان.
«مەن پرەزيدەنتتى كورگەندە، قاتتى قۋاندىم. ول سەكىلدى بولعىم كەلەتىنىن ايتتىم. ول ءۇشىن نە ىستەۋىم كەرەك ەكەنىن سۇراعانىمدا، ول ەستىدى، ءبىراق جاۋاپ بەرمەدى. مەنىڭشە، ساباعىمدى جاقسى وقۋىم كەرەك.
كوليا بۇگىننەن باستاپ بولاشاعىنا بەت العان. 7 جاستاعى بالاقاي رۋدنىي بالالار ءۇيىنىڭ ماڭايىندا ورنالاسقان مۇمكىندىك (شانس) رەسپۋبليكاسىنىڭ اكىمى.
«ءبىزدىڭ بالالار مۇمكىندىك مەملەكەتىندە تۇرادى. ءوزىمىزدىڭ پرەزيدەنتىمىز بار. ءار توپتىڭ ءوز اكىمى بار. ال كوليا – اكىمدەردىڭ ەڭ كىشىسى»، - دەدى بالالار ءۇيىنىڭ تاربيەلەنۋشىسى فليۋرا سالىمگەرەيەۆا.
مۇمكىندىك رەسپۋبليكاسىندا اكىمدى مەملەكەت تۇرعىندارى تاعايىندايدى. ال ول ءوز ورنىندا ۇزاق قالۋ ءۇشىن بالالارعا ۇلگى بولۋ كەرەك. تاربيەشىنىڭ ايتۋىنشا، كوليا – وزگەلەرگە ۇلگى بولاتىنداي سانالى بالا. اكىمدىك قىزمەتتە بولعانىنا وسىمەن ەكى اي تولعان. ال وزگە بالالار ادەتتە ۇزاققا بارمايدى.
پىكىر قالدىرۋ