ءتۇرلى ەلدىڭ15 مىڭنان استام عالىمى ەكىنشى مارتە «ادامزاتقا ەسكەرتۋ» جاسادى. ونىڭ ءماتىنى BioScience جۋرنالىندا جاريالاندى. عالىمدار وسىلايشا حالىقتىڭ نازارىن ەكولوگيالىق ءقاۋىپتى وزگەرىستەرگە اۋدارعىسى كەلەدى دەپ جازادى Qamshy.kz اقپارات اگەنتتىگى Tengrinews.kz-كە سىلتەمە جاساپ.

العاشقى ۇندەۋ 1992 جىلى شىققان. ول ۋاقىتتا ۇندەۋگە 1،7 مىڭنان استام عالىم قول قويعان. ونىڭ ىشىندە نوبەل سىيلىعىنىڭ لاۋرەاتتارى دا بار.

عالىمدار بيىل قايتا ەسكەرتۋ جاساۋدى ءجون كوردى. بۇل جولى ۇندەۋگە 184 ەلدىڭ 15،3 مىڭ عالىمى قول قويدى.  

ستاتيستيكاعا سۇيەنگەن زەرتتەۋشىلەر 25 جىلدا ادامزات ەكولوگيالىق ماسەلەلەردى شەشە الماعانىن ايتادى. ونىڭ كەيبىرى ءتىپتى ۋشىعىپ بارادى. دەسەك تە، عالىمدار العا ىلگەرىلەۋ بار ەكەنىن دە اتاپ ءوتتى. ونىڭ ىشىندە وزون قاباتىن بۇزاتىن زاتتاردىڭ تومەندەۋىن ايتادى. بۇل ادامزاتتىڭ الەمدى جاقسى جاققا قاراي وزگەرتۋگە قاۋقارى جەتەتىنىن كورسەتەدى.