وسىدان ءبىراز ۋاقىت بۇرىن «اسىل ارنا» تەلەارناسىندا «ءتالىم Trend» اتتى جاڭا باعدارلاما ءوز جۇمىسىن باستادى، — دەپ جازادى Qamshy.kz اقپارات اگەنتتىگى. اتالعان باعدارلامادا وتباسىلىق قۇندىلىقتار، قوعامدا ءجيى ورىن الاتىن تۇرمىستىق قاتەلىكتەر مەن وزەكتى ماسەلەلەر تۋرالى تالقىلانادى. باعدارلامانىڭ العاشقى بولىمىندە وتباسىداعى جانجالدىڭ قالاي الدىن الۋ كەرەك ەكەندىگى تۋرالى ءسوز قوزعالسا، ەكىنشى ءبولىمى قوعامداعى وزەكتى ماسەلەلەردىڭ ەڭ ماڭىزدىسى بالا تاربيەسىنە تىكەلەي بايلانىستى. 

«بالاڭدى تاربيەلەپ اۋرە بولما، ول ءبارىبىر وزىڭە ۇقسايدى. بۇل سوزدە ۇلكەن ءمان-ماعىنا بار. ءبىز بالامىزدىڭ ءبىر ساتتە اقىلدى، شىنشىل، ءتىلالعىش بولعانىن قالايمىز. ءبىراق بالا روبوت ەمەس. قۇلاعىن بۇراسا قالاعان ۋاقىتتا، قالاعان جاعدايعا وزگەرەتىن. ول - ادام. ول - تۇلعا. ول - جاس شىبىق. ونىڭ جايقالىپ ءوسىپ، اينالاسىنا ساياسىن جاياتىن جاناشىر بولىپ قالىپتاسۋ نەمەسە كولەڭكەسى وزگە تۇگىل ءوزىن جارىتا الماس شىبىقتاي سولىپ، قۋ اعاشقا اينالۋى دا بىزگە، ءبىرىنشى كەزەكتە، اتا-اناعا بايلانىستى»، — دەيدى مۇحامەدجان تازابەك.