وزبەكستان مەن قازاقستان رەسپۋبليكاسى ۇكىمەتتەرى اراسىنداعى حالىقارالىق اۆتوموبيل تاسىمالى كەلىسىمىنە وزگەرىستەر مەن تولىقتىرۋلار ەنگىزۋ تۋرالى حاتتاما كۇشىنە ەندى. بۇل تۋرالى وزبەكستان ءسىم حابارلادى، دەپ جازادى Qamshy.kz اقپارات اگەنتتىگى.
«حاتتاما تۇراقتى جانە تۇراقسىز حالىقارالىق جولاۋشىلار تاسىمالىنىڭ جۇيەلى جانە جۇيەسىز نورماسى ەنگەن ۇكiمەتارالىق كەلiسiمنiڭ كولەمiن كەڭەيتەدi»، - دەلىنگەن حابارلامادا.
قۇجات كولىك كوممۋنيكاسيالارى سالاسىندا ءوزارا ءتيىمدى ىنتىماقتاستىقتى تەرەڭدەتۋ ماقساتىندا قابىلداندى، سونداي-اق ەكى ەل اراسىنداعى جولاۋشىلاردىڭ حالىقارالىق اۆتوموبيل تاسىمالدارىن جۇزەگە اسىرۋ ءۇشىن ءوزارا ءتيىمدى قۇقىقتىق شارتتار جاساۋ كوزدەلدى.
بۇدان بۇرىن ق ر ينۆەستيسيا جانە دامۋ مينيسترلىگى ەكى مەملەكەت اراسىندا جولاۋشىلارعا ارنالعان اۆتوبۋستىق تاسىمالدىڭ جوعىن ايتقان. ال ۇكىمەتارالىق كەلىسىمگە وزگەرتۋلەر ەنگىزۋ جۇزەگە اسسا، ەكى ەلدىڭ ءىرى قالالارى اراسىندا تۇراقتى تۇردە اۆتوبۋستار ءجۇرىپ تۇراتىن بولادى. ءار تاسىمالداۋشى 5 جىل كولەمىندە بەلگىلى ءبىر مارشرۋتتا جۇمىس ىستەي الادى.
