ق ر اقپارات جانە كوممۋنيكاسيالار ءمينيسترى داۋرەن ابايەۆ قازاقستاندىق ينتەرنەت-رەسۋرستاردا جاسىرىن پىكىر قالدىرۋعا تىيىم سالاتىن تۇزەتۋلەردى ءتۇسىندىردى، دەپ حابارلايدى Qamshy.kz اقپارات اگەنتتىگى Sputnik قازاقستان پورتالىنىڭ مالىمەتىنە سۇيەنىپ.

بۇعان دەيىن ءماجىلىس ينتەرنەت-رەسۋرستاردا جاسىرىن پىكىر قالدىرۋعا قاتىستى تۇزەتۋلەر جوباسىن ماقۇلداعان ەدى. وعان سايكەس ازاماتتار جاسىرىن پىكىر قالدىرماس بۇرىن مىندەتتى تۇردە تىركەلەدى. ءبىراق بۇركەنشىك اتپەن جازۋعا تىيىم سالىنبايدى. ەلەكتروندى رەسۋرس يەلەرى وقىرماندارمەن ەلەكتروندى ۇكىمەت پورتالىندا يدەنتيفيكاسيانى نەمەسە SMS-يدەنتيفيكاسيانى قولدانۋمەن جازباشا كەلىسىم بەكىتۋگە مىندەتتەلەدى. 

"ءقازىر، وكىنىشكە قاراي، الەۋمەتتىك، ۇلتارالىق الاۋىزدىقتى قوزدىراتىن پىكىرلەر كوبەيىپ كەتتى. ازاماتتارعا ءتىل تيگىزۋ، نەگاتيۆ جەتىپ ارتىلادى. وسىعان بايلانىستى ءبىز اقپارات پورتالدارىنا پىكىردى كىم جازعانىن ءبىلىپ، باقىلاپ وتىراتىن مۇمكىندىك بەرۋ ماسەلەسىن پىسىقتاپ جاتىرمىز"، — دەدى ابايەۆ. 

مينيستر ازاماتتار بۇرىنعىداي بۇركەنشىك اتپەن پىكىر قالدىرا الاتىنىن اتاپ ءوتتى. الايدا اقپارات پورتالى بۇركەنشىك اتتىڭ ارتىندا كىم تۇرعانىن ءبىلىپ وتىرادى.

"ۇلتارالىق الاۋىزدىقتى قوزدىرۋ، كونستيتۋسياعا قايشى ارەكەتتەرگە شاقىرۋ سەكىلدى جاعدايلار بولعاندا، سول ازاماتتى باقىلاۋعا، قۇقىق قورعاۋ ورگاندارىندا وعان نارازىلىق بىلدىرۋگە مۇمكىندىك بولادى دەپ ويلايمىن"، — دەدى ابايەۆ. 

"ءىP-ادرەستەردى جاسىرۋعا بولاتىنىن سىزدەر دە بىلەسىزدەر. مەنىڭ ويىمشا، بۇل قالىپتى پراكتيكا.  ءار ادام پىكىرىن بىلدىرگىسى كەلسە، ەمىن-ەركىن، اشىق ايتۋى ءتيىس. ءبىز قانداي دا ءبىر سىن، اقىل-كەڭەس، پايدالى دۇنيە ءۇشىن سوڭىنا تۇسپەيمىز عوي. بۇل جەردە پىكىر ءبىلدىرۋدى مۇلدە الىپ تاستاۋ ماسەلەسى كوتەرىلىپ جاتقان جوق"، — دەدى ول.

سونداي-اق، ابايەۆ شەتەلدىك رەسۋرستاردا پىكىر قالدىرۋ ماسەلەسى قالاي بولاتىنىنا توقتالدى. 

"Facebook سەكىلدى الەۋمەتتىك جەلىلەرگە كەلسەك، ءبىز ءتيىستى حابارلاندىرۋ جۇمىسىن جۇرگىزەمىز. ول ءدال قازىرگىدەي جۇزەگە اسادى، ەگەر زاڭعا قايشى ارەكەتتەردى بايقاساق، فەيسبۋك، يۋتۋبكە حابار بەرىپ، ول ماتەريالدار ارتىنشا جويىلادى"، — دەپ تۇيىندەدى مينيستر.