ءانشى ايقىن تولەپبەرگەننىڭ پروديۋسەرى ەرىك تاستامبەكوۆ "گاككۋ" ارناسىنداعى تيمۋر بالىمبەتوۆ جۇرگىزەتىن "ەسلي چەستنو..." باعدارلاماسىندا ءانشى مەن كەشYou توبىنىڭ ەكس-سوليسى جۇلدىز ءومىرعالي كوڭىل جاراستىردى دەگەن قاۋەسەتتەرگە قاتىستى پىكىر ءبىلدىردى، - دەپ حابارلايدى Qamshy.kz اقپارات اگەنتتىگى Tengrinews.kz-كە سىلتەمە جاساپ.

"مەن ونىمەن (ايقىنمەن - اۆت.) وسى تاقىرىپتا اڭگىمەلەستىم. مەن بۇل جاڭالىقتى ءتىپتى ودان ەمەس، باياننان ەستىدىم (ماقساتقىزى- اۆت.)، سوسىن مەن ايقىنعا تەلەفون سوقتىم، ول تەلەفونىن كوتەرمەدى، كەيىن تەلەفوندى مەن وسى جاڭالىقتى ەستىپ قويعاندىقتان كوتەرمەگەنىن ايتتى. بايان ماعان بىلاي دەدى: سەنىڭ "بالالارىڭ" مەنىڭ جوبامدى قۇرتقانى ءۇشىن راقمەت ساعان". داۋرەن ايدارقۇلوۆ وتە جاقسى جىگىت، قۇرمەتتەيمىن. داۋرەننىڭ جاعدايى تۇسىنىكتى، ال بايان ماعان ايقىن تۋرالى ايتىپ جاتىر. مەن تۇسىنبەي قالدىم. بىلەسىز بە، مەن ولارعا باعا بەرگىم كەلمەيدى، جاقسى نەمەسە جامان دەمەيمىن. بۇل ولاردىڭ سەزىمى، ءوز ومىرلەرى، سوندىقتان وزدەرى بۇدان ءوتۋى ءتيىس. بۇل جاعدايدا نەنىڭ دۇرىس، ال نەنىڭ بۇرىس ەكەنىن انىقتاپ بەرەتىن ەرەجە جوق. بىرەۋ دۇرىس دەيدى، بىرەۋ بۇرىس دەيدى. ايقىنمەن وسى جايلى اڭگىمەلەستىم، وعان بۇل جاعدايدان ەڭ بولماعاندا ماتەريالدىق تۇرعىدا ەشكىم زارداپ شەكپەسىن دەگەندى، جاۋاپكەرشىلىكتى ۇمىتپاۋى كەرەكتىگىن ايتتىم"، - دەدى ەرىك تاستامبەكوۆ. 

 ەسكە سالايىق، ايقىن مەن جۇلدىز ءومىرعاليدىڭ قوسىلعانى جايلى قاۋەسەتتەر قازنەتتە تاراپ كەتكەن ۆيدەودان كەيىن شىعا باستاعان. بيىلعى مامىردا ايقىننىڭ جۇلدىزدى ۇزاتىپ، كوتەرىپ الىپ بارا جاتقان ءساتى تۇسىرگەن ۆيدەو جاريالانعان. سودان جۇرت ولاردى كوڭىل قوستى، وتاۋ تىكتى دەپ بولجادى. الايدا ايقىننىڭ ءوزى دە، جۇلدىز ءومىرعالي دە بۇل ماسەلەدە ءتىس جارىپ ايتپادى. "بىرەۋدىڭ جەكە ومىرىنە ارالاسۋ دۇرىس ەمەس" دەپ قىسقا قايىرعان ەدى ءانشى.

ال تاياۋدا عانا جۇلدىز ءومىرعالي ەكى ايەل الۋعا قاتىستى پىكىرىن ايتقان بولاتىن.  ايتۋىنشا، ءبىزدىڭ ەلدە ەكى ايەل الۋدى كوپشىلىك قولدامايدى. "ەكى ايەلدى الا ما، الىپ ۇلگەرمەي مە، ول جاعىن بىلمەيمىن. اركىمنىڭ ءوز تاڭداۋى بولادى. ەكى ايەل الۋ دەگەندە، ءبىز اراب ەلى ەمەسپىز، مۇسىلمان ەلى بولساق تا، ونداي بىزدە نە پريۆەتستۆۋەتسيا"، - دەگەن ەدى ول.