رەسەي مەن قازاقستاننىڭ ساۋدا اينالىمى 34%-عا ارتتى، ال ەكونوميكالىق بايلانىس جاڭا دەڭگەيگە كوتەرىلدى. بۇل جايىندا رەسەي فەدەراسياسىنىڭ پرەزيدەنتى ۆلاديمير پۋتين قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆپەن اڭگىمە بارىسىندا حابارلادى، دەپ جازادى Qamshy.kz اقپارات اگەنتتىگى تاسس مالىمەتىنە سۇيەنىپ.

«قازاقستان مەن رەسەي اراسىنداعى ەكونوميكالىق  بايلانىس قارقىندى دامىپ كەلەدى. ال اعىمداعى جىلدا 10 اي ىشىندە ەكى ەل اراسىنداعى ساۋدا اينالىمى 34 % -عا ارتتى. بۇل – جوعارى كورسەتكىش» دەپ ايتىپ ءوتتى پۋتين ءوز سوزىندە.

سونىمەن قاتار، رەسەي پرەزيدەنتى قازاقستانعا قۇيىلعان ينۆەستيسيا كولەمى 10 ميلليارد دوللاردان جوعارى ەكەنىن ايتىپ ءوتتى. 

«ەكى ەل اراسىنداعى بايلانىستىڭ نىعايتىپ جاتقانى كوڭىل قۋانتادى.  ءبىز ءوز ارىپتەستەرىمىزبەن ەكى ەل اراسىنداعى   ەنەرگەتيكاعا بايلانىستى، عارىشتاعى قارىم-قاتىناس ماسەلەسىن تالقىلادىق. بۇل جەردە تەك بايقوڭىر عانا ەمەس، قازاقستاننىڭ الداعى ۋاقىتتا جاڭا تەحنولوگيالار جاساۋ جولى تۋرالى دا ايتىلدى» دەدى رەسەي پرەزيدەنتى.

«قازاقستان ەكونوميكا سالاسىندا ءبىزدىڭ سەرىكتەسىمىز بولىپ قالا بەرەدى» دەپ ءسوزىن اياقتاعان پۋتين نازاربايەۆقا 2018 جىلعا تابىس تىلەدى.