قازاقستاندىقتاردىڭ اشۋىنا تيگەن ايجان بايزاقوۆانى بەلگىسىز بىرەۋلەر سوققىعا جىققان دەپ حابارلايدى Qamshy.kz اقپارات اگەنتتىگى today.kz سايتىنا سىلتەمە جاساي وتىرىپ. بۇل تۋرالى جىبەك بايزاقوۆا مالىمدەدى. ايجاننىڭ سوققىعا جىعىلعان فوتوسى الەۋمەتتىك جەلىدە قىزۋ تالقىلانىپ جاتىر.

«باردىڭ وكىلى رەتىندە قازاقستاندىقتاردان كەشىرىم سۇرايمىن. وسى وقيعاعا قاتىستى قىزمەتكەرلەر جۇمىستان شىعارىلدى. سەبەبى ولار وسى وقيعانى قاداعالاپ، توقتاتپادى. بۇل وقيعادا ءبىزدىڭ دە كىنامىز بار، ارينە»، دەدى جىبەك بايزاقوۆا.

سونىمەن بىرگە جىبەك بايزاقوۆا بي جارىسى قىزداردىڭ شەشىنۋىمەن اياقتالعانىن ايتتى.

«بارلىعى بي جارىسىنان باستالدى. كەيىن كلۋبقا كەلۋشىلەر قىزداردىڭ شەشىنۋىن سۇرادى. ءبىز تەك بيمەن تاڭعالدىرۋ كەرەك دەگەن كەزدە 1ء-شى ءنومىرلى قىز ءوزىنىڭ ءىش كيىمىن شەشە باستادى. بۇل وقيعا ۆيدەوعا ءتۇسىرىلىپ، الەۋمەتتىك جەلىگە تارادى. ءبىراق بۇل جەردە ايجاننىڭ كىناسى جوق»، دەدى جىبەك بايزاقوۆا.

ال ايجان بايزاقوۆانىڭ سوققىعا جىعىلعانىن راستادى.

«ايجاندى بەلگىسىز ادامدار سوققىعا جىققانى راس. بۇل داۋلى وقيعادان كەيىن بولدى. ءبىراق قاتتى جاراقات الماعاندىقتان پوليسيا قىزمەتكەرلەرىنە ارىزدانبادىق»، دەپ ايتىپ ءوتتى بايزاقوۆا.

«ينستاگرام قولدانۋشىلاردىڭ كوپشىلىگى ايجاندى سىناپ جاتىر. ولار ايجاندى ءتىپتى جەك كورەدى. سەبەبى ايجان ءوز قالاۋىنشا ءومىر سۇرۋدە. ءبىراق شىندىعىنا كەلگەندە ايجاننىڭ ءوز ءومىرى ءوز قولىندا، نە ىستەيمىن دەسە دە ءوزى بىلەدى. ال سايىسقا كەلەتىن بولسام، ايجان قىزدارعا «ەرتەڭ وسى ارەكەتتەرىڭ ءۇشىن وكىنەتىن بولاسىڭدار»، - دەپ ەسكەرتتى. الايدا ولار ايجاننىڭ ايتقانىنا قۇلاق اسپاي، «ءبىز ماس ەمەسپىز، نە ىستەپ جاتقانىمىزدى بىلەمىز»، - دەپ ايتتى. كەيىن 50 مىڭ تەڭگەنى جەڭىپ العان قىز اقشانىڭ بارلىعىن كلۋبقا كەلۋشىلەرگە تاراتىپ بەردى. مەن ونىڭ نە ءۇشىن شەشىنگەنىن تۇسىنبەدىم»، دەيدى جىبەك بايزاقوۆا.